Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Азизлар! Динимиз мустаҳкам илдизга эга бўлган гўзал дарахт бўлиб, унинг шохлари ям-яшил барглар ва ширин меваларга тўлиб тошгандир. Диннинг илдизи усулиддин бўлиб, у қуйидагилардан иборат:
Тавҳид (Якка Худолик)
Аллоҳ Ягонадир ва Ундан ўзга илоҳ йўқ… шунинг учун деймиз: لا إلهَ إلاَّ اللهُ
Адл (Аллоҳнинг одиллиги)
Аллоҳ Одил Зот бўлиб, ҳеч кимга зулм қилмайди ва золим кимсаларни яхши кўрмайди.
Нубувват (Пайғамбаршунослик)
Аллоҳ бизларни саодат йўлига чорлаш учун Пайғамбарларни юборди ва Пайғамбаримиз Муҳаммад (саллаллоҳу алайҳи ва олиҳи) уларнинг охиргисидир.
Имомат (Раҳбарлик)
Аллоҳ таоло Пайғамбаримиздан сўнг инсонлар гумроҳ бўлмасликлари ва ҳидоят йўлини топишликлари учун ун икки Имомни бизларга Пешво, Раҳбар ва Йўлбошчи этиб танлаган, шунинг учун улар Пайғамбаримиздан кейин бизлар учун намуна ва ўрнакдирлар. Уларнинг Биринчиси Имом Али(алайҳис салом) ва Oхиргиси Маҳди(Аллоҳ келишларини тезлаштирсин) дирлар.
Маъод (Қайта тирилиш)
Аллоҳ таоло оламни беҳуда яратмаган ва инсонни нобуд бўлиши учун яратмаган… Бир кун келадики, Аллоҳ таоло у кунда инсонларнинг барчасини қабрларидан қайта тирилтиради… Нима учун? Ҳисоб-китоб учун. Покиза ва яхши инсонлар жаннатга борурлар ёмон инсонлар эса жаннатга бормай, жаҳаннам томон равона бўлгайлар.
