Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ҳақиқат шундан иборатки, агар Абу Бакр Фадакни ҳазрати Расулуллоҳ(саллаллоҳу алайҳи ва олиҳи)нинг мерослари сифатида, унинг ўз эгаси бўлмиш ҳазрати Фотима(саломуллоҳи алайҳо)га қайтариб берганида эди, ҳазрати Фотима(саломуллоҳи алайҳо) Абу Бакрдан хилофат ва пешволикни талаб қилишлари учун имкон яратган бўлар эди.
Аҳли суннатнинг буюк алломаларидан бири Ибн Абил Ҳадид «Шарҳу наҳжил балоға» номли китобида ушбу муҳим масаланини қуйидагича баён қилади: Узтозим Али бин Фориқийдан сўрадим: Фотимаи Заҳро(саломуллоҳи алайҳо) Фадакни ўз мулки сифатида даъво қилганлигида ростгўй эдими? У шундай деди: Ҳа, у ростгўй эди. Дедим: Демак, нима учун Абу Бакр Фадакни унга қайтариб бермади, ҳолбуки, Фотима(саломуллоҳи алайҳо)ни ростгўй деб билар эди? Шунда у (устозим) табассум қилиб, ҳазил билан ушбу зебо ва нафис сўзни деди ва ҳоланки, зинҳор ҳазл қиладиган одати йўқ эди:
لَو أَعْطَاهَا الْيَوْمَ فَدَكَ بِمُجَرَّدِ دَعْوَاهَا لَجَائَتْ إِلَيْهِ غَدًا وَادَّعَتْ لِزَوْجِهَا الْخِلاَفَةَ وَ زَحْزَحَتْهُ عَنْ مَقَامِهِ وَلَمْ يَكُنْ يُمْكِنُهُ الإِعْتِدَارُ وَ الْمُوافَقَةُ بِشَيْئٍ؛ لِأَنَّهُ يَكُونُ قَدْ أَسْجَلَ عَلَى نَفْسِهِ بِأَنَّهَا صَادِقَةٌ فِيْمَا تَدَّعِى كَائِنًا مَا كَانَ مِنْ غَيْرِ حَاجَةٍ إِلِى بَيِّنَةٍ.
«Агар Абу Бакр, у куни Фадакни Фотимаи Заҳро(саломуллоҳи алайҳо) даъво қилганидаёқ, қайтариб берганида эди, эртага унинг олдига келиб, хилофат ва пешволикни ўзининг умр йўлдоши имом Али(алайҳис салом)га даъво қилиб, уни эгаллаб олган мансабидан четга сурар эди ва Абу Бакр эса ҳеч қандай узру баҳона келтира олмай, ўзини мудофаа қила олмасди. Зероки, у Фадакни қайтариб бериши билан, Фотима(саломуллоҳи алайҳо) қиладиган даъвосида нима бўлишидан қатъий назар, ростгўй ва тўғри сўз эканлигида, гувоҳ ва шоҳидга эҳтиёж бўлмаслигини ўз зиёнига қабул қилган бўлар эди».
Шундан сўнг Ибн Абил Ҳадид шундай деди: Агарчи, устозим ушбу сўзни ҳазл қилган ҳолда айтган бўлсалар-да, лекин устозимнинг бу сўзлари ҳақиқат эди.
