Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
أَشْهَدُ أَنَّكَ الْمَخْصُوصُ بِمِدْحَةِ اللَّهِ، الْمُخْلِصُ لِطاعَةِ اللَّهِ ، لَمْ تَبْغِ بِالْهُدَى بَدَلاً، وَلَمْ تُشْرِكْ بِعِبادَةِ رَبِّكَ أَحَداً ، وَأَنَّ اللَّهَ تَعالَى اسْتَجابَ لِنَبِيِّهِ صَلَّى اللَّهُ عَلَيْهِ وَآلِهِ فِيكَ دَعْوَتَهُ، ثُمَّ أَمَرَهُ بِإِظْهارِ ما أَوْلاكَ لاِمَّتِهِ، إِعْلاءً لِشَاْنِكَ، وَإِعْلاناً لِبُرْهانِكَ، وَدَحْضاً لِلْأَبَاطِيلِ، وَقَطْعاً لِلْمَعاذِيرِ، فَلَمَّا أَشْفَقَ مِنْ فِتْنَةِ الْفَاسِقِينَ، وَاتَّقَى فِيكَ الْمُنافِقِينَ، أَوْحَى اِلَيْهِ رَبُّ الْعالَمِينَ: ﴿ يَا أَيُّهَا الرَّسُولُ بَلِّغْ ما أُنْزِلَ اِلَيْكَ مِنْ رَبِّكَ وَإِنْ لَمْ تَفْعَلْ فَما بَلَّغْتَ رِسالَتَهُ وَاللَّهُ يَعْصِمُكَ مِنَ النّاسِ﴾
«Гувоҳлик бераманки, сиз Аллоҳ таолонинг мақтовига сазовор бўлган, Аллоҳнинг итоати учун ихлос қилгувчи кишидирсиз. Ҳидоятнинг ўрнига бошқа нарсани талаб этмадингиз ва Парвардигорингизга итоат этишда ҳеч кимни шерик қилмадингиз.»
Юксак даражали Аллоҳ ҳам Ўз Пайғамбарининг сиз ҳақингиздаги дуосини мустажоб қилди. Сўнгра Аллоҳ сизнинг мартабангизни юксалтириш, (халифа, пешво, валий ва бошлиқ эканлигингизга далолат берадиган) ҳужжатингизни ошкор этиш ва мухолиф кимсаларнинг нотўғри-ботил сўзларини нобуд қилиш, ҳамда ҳеч кимга узру-баҳона қолдирмаслик учун Пайғамбар(саллаллоҳу алайҳи ва олиҳи)га сизни ўз умматига пешво ва бошлиқ қилганлигини изҳор этишга амр қилди. Ва Пайғамбар(с.а.о)фосиқ ва бузғунчиларнинг (сизга қарши режалаштирган) фитнасидан қўрққан ва мунофиқларнинг иғволаридан сизни сақлаш борасида ўйлаб турган вақтида, Парвардигори олам ул ҳазратга ваҳий йўллаб, буюрдики; «Эй Пайғамбар, сизга Парвардигорингиз томонидан нозил қилинган нарсани етказинг! Агар қилмасангиз, Унинг элчилигини (яъни: пайғамбарлик вазифасини) етказмаган бўлурсиз. Аллоҳ сизни одамлар фитнасидан сақлагай.»[1]
فَوَضَعَ عَلى نَفْسِهِ أَوْزارَ الْمَسِيرِ، وَنَهَضَ فِى رَمْضَاءِ الْهَجِيرِ، فَخَطَبَ وَأَسْمَعَ ،وَنادَى فَاَبْلَغَ ،ثُمَّ سَئَلَهُمْ أَجْمَعَ، فَقالَ هَلْ بَلَّغْتُ؟ فَقالُوا: أَللَّهُمَّ بَلَى. فَقَالَ اللَّهُمَّ اشْهَدْ. ثُمَّ قالَ: أَلَسْتُ أَوْلَى بِالْمُؤْمِنِينَ مِنْ أَنْفُسِهِمْ؟ فَقَالُوا: بَلَى فَاَخَذَ بِيَدِكَ وَقالَ: «مَنْ كُنْتُ مَوْلاهُ فَهَذَا عَلِىُّ مَوْلاهُ أَللَّهُمَّ والِ مَنْ والاهُ وَعادِ مَنْ عاداهُ وَانْصُرْ مَنْ نَصَرَهُ وَاخْذُلْ مَنْ خَذَلَهُ.»
Демак, Пайғамбар(саллаллоҳу алайҳи ва олиҳи) сафарнинг оғир юкини ўзларига юклаб, пешин вақти ўша иссиқ саҳрода ўрниларидан турдилар ва хутба ўқиб, (Аллоҳнинг ваҳийини инсонларга) эшиттирдилар ва (халққа баланд овозда) нидо қилиб, (ўша ваҳийни) уларга етказдилар.
Сўнгра эса уларнинг барчасидан «Ўз вазифамни етказдимми?» деб сўраганларида, улар Аллоҳга қасамки, етказдингиз, дея жавоб беришди. Шунда Пайғамбар(саллаллоҳу алайҳи ва олиҳи)«Эй Аллоҳим! Ўзинг гувоҳ бўлгин», дедилар. Кейин эса марҳамат қиладиларки, мен мўъминларга нисбатан уларнинг ўзидан устунроқ ва сазоворроқ эмасманми? Улар; худди шундай- дея тасдиқ этишди.
Шунда Пайғамбар(саллаллоҳу алайҳи ва олиҳи) қўлингизни тутиб, дедилар: «Мен кимнинг пешвоси ва валийси бўлсам, демак, бу Али ҳам унинг пешвоси ва валийсидир. Худоё, кимки уни (Алини) дўст тутса, (ва унинг халифа, пешво, валий ва йўлбошчи эканлигини қабул қилса), у кишини дўст тутгин ва кимки унга душманлик қилса, у кимсани душманинг деб билгин ва кимки унга ёр бўлса, у кишига ёр бўлгин ва кимки Алидан ўз ёрдамини дариғ тутса (ва имом Алига ёрдам беришдан ўзини четга тортса), у кимсани хор қилгин.»[2]
Манбалар ва кўрсаткичлар:
[1]. Моида сураси 67-оят.
[2]. Расулуллоҳ(саллаллоҳу алайҳи ва олиҳи) Ғадир-Хум кунидаги хутбаларидан олинган. Мужоҳид аллома марҳум Оятуллоҳ шайх Абдулҳусайн Аминий(раҳматуллоҳи алайҳи) томонидан таълиф этилган «Ал-ғадийр» номли китобнинг 1 ва 11-жилдларига мурожаат қилинг.
