Имом Муҳаммад Тақий (Имом Жавод) алайҳис саломнинг таваллуд кунлари

May 20, 2013 Имом Жавод (а.с) Leave a comment 51 Views

Милодий 810-йили Парвардигори карим ўз ҳабиби Муҳаммад Мустафо ^{(саллаллоҳу алайҳи ва олиҳи васаллам)} нинг пок зурриётларидан бўлган Имом Ризо ^{(алайҳис салом)} га солиҳ фарзанд ато этди. Фарзандга Муҳаммад деб ном бердилар.

Кейинчалик ўта саховатли бўлганлиги учун уни «Жавод» лақаби билан атай бошлашди.
Имом Жавод ^{(алайҳис салом)} жуда қисқа, яъни 25 йил умр кўрган бўлсалар-да, аммо илмий юксакликлари ва маънавий жозибалари шу даражада улуғ эдиким, бошқа дин ва мазҳаб вакилларининг ҳам таҳсинига сазовор бўлдилар.
Имом Жавод ^{(алайҳис салом)} нинг асосий хусусиятларидан бири шундаки, чуқур билим, юксак ақл-заковат ва олий инсоний фазилатларга эга бўлганликлари сабабли жуда ёшлик чоғларидан мусулмонларга пешволик қилиш масъулиятини ўз зиммаларига олдилар.
Қуръони Каримнинг машҳур муфассирларидан бири оятуллоҳ Табарсий ёзади: «Имом Жавод ^{(алайҳис салом)} ёшликлариданоқ илму ҳикмат ва инсоний фазилатларда шу даражага етдиларки, замонанинг энг улуғ донишмандлари ҳам ул ҳазратга тенглашолмасди.»