Манга намоз ўқитишни ўргатсангиз ман хурсан бўлардим. Айтгандай ман агар мачитта ўқилмасам ҳамма манга кулади.
Бисмиллоҳир Раҳмонир Раҳим
Ва алайкумуссалом. Сизга мулла акангиз тўғри айтибдилар, намоз ўқиш ҳар бир банда учун фарздир, кимда ким бу масалага эътиборсизлик қилса ва узрсиз намозни тарк этса шубҳасиз, Аллоҳ азобига гирифтор бўлади. Шунинг учун сизга намоз ўқишни ўрганинг, деб айтамиз. Лекин масжидга чиқишдан ҳам уяламанг. Ҳамма устимдан кулади, деб айтган сўзингизга жавобан шу нарсани айтамизки, сиз намозни фақат Аллоҳ учун ўқишингиз керак ва ҳеч кимнинг гапига эътибор берманг. Ким устингиздан куладиган бўлса, оғир гуноҳ қилган бўлади. Агар масжидда намоз ўқисангиз ҳам, уни тезроқ ўрганиб оласиз ва ҳамда кўпроқ савобга эга бўласиз. Намозни ўрганишингиз учун бизнинг сайтимизнинг кутубхонасига кирсангиз, у ерда намозни ўрганиш китоби икки алифбо, лотин ва криличада бор бўлиб хоҳлаганингизни юклаб олишингизни мумкин.
Эҳтиром ила:
Нажот Кемаси таҳририяти
