Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Нажоткор томон глобал чақириқ
Нажоткорнинг солиҳ ва адолатли ҳукуматининг ахлоқий хусусиятлари
ҲУКМРОНЛИК ҚИЛИШДАН ТИЙИЛМОҚ
Келинг, Нажоткорнинг идеалларини [орзу-истакларини] танийлик, унинг ҳақиқатига иймон келтирайлик, ўз ҳаётимизда унга амал қилайлик, токи У БУЮК ИНСОНнинг раҳбарлиги остида адолатга, маънавиятга, инсоний ахлоқ ва фазилатга тўла ва лиммо-лим бўлган хавфсиз ва осуда дунёни яратайлик.
• Аллоҳнинг каломи:
فَذَكِّرْ إِنَّمَا أَنتَ مُذَكِّرٌ ﴿٢١﴾ لَّسْتَ عَلَيْهِم بِمُصَيْطِرٍ ﴿٢٢﴾
«Бас, (эй элчимиз Муҳаммад с.а.в) эслатгин! Зотан, сен фақат эслатувчидирсан, холос. Сен улар устидан ҳукмронлик қилувчи эмассан» (Ғошия сураси, 21 ва 22-оятлар).
Юқоридаги оятнинг маъноси шуки, ҳар бир киши ўзига яраша ҳурмат-иззатга сазовор бўлиб, унинг ҳурматини жойига қўйиш лозим.
• Нажоткорнинг сўзи: Агар бирор инсон ўн киши ёки ундан ортиқ шахсларга раислик қилган бўлса, қиёмат куни қўли бўйнига осилган ҳолда Маҳшар саҳросига кириб келади. Агар у одамларга яхши муносабат кўрсатган бўлса, қўллари очилади, лекин агар қўпол муносабатда бўлган бўлса, унинг қўлига яна бошқа бир кишан солинади.
• Золим ҳукмдорлар билан гаплашганингиздек мен билан гаплашмангиз ва қўпол одамлардан уларнинг ғазабидан қўрқиб, яширган нарсангизни мендан сир тутмангиз (кўнглингиздагини менга айтинг!) Менга муроса ва хушомадгўйлик билан муносабатда бўлмангиз. Менинг тўғримда шундай ўйламангки, агар бирор ҳақ сўз менга айтилса, оғирлик қилади ёки мени улуғ киши деб ҳисоблашингизга боғлиқман. Чунки кимда-ким ўзига айтилган ҳақиқатни ёки унга таклиф қилинган адолатни оғир ҳис қилса, буларга амал қилиш унга оғирроқ бўлади. Шундай экан, ҳақиқатни айтишдан ва адолатли фикр билдиришдан тийилманг.
• Ўзини раис ва бошлиқ қилиб кўрсатган ҳукмдорлардан узоқлашинг. Зероки одамлар ҳеч кимнинг орқасидан эргашган бўлсалар, ўша шахс ҳам ўзи йўлдан оғди ҳамда жамиятни бузғунликка дучор қилди.
