Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Alloh taolo imom Mahdi (Alloh kelishlarini tezlashtirsin) ga zuhur qilish uchun izn bergach, ul janob olamni tuzatish va isloh qilish uchun Allohning uyi bo’lmish Ka’baning yonidan zuhur qilajaklar va g’aybat pardasining ortidan chiqib birinchi bo’lib ushbu so’zni aytajaklar:
بَقِیَةُ اللهِ خَیْرٌ لَکُمْ
Muhammad ibn Muslim imom Boqir (alayhis salom) dan naqlgan hadisda ul hazrat buyurmishlar:
«Imom Mahdi (Alloh kelishlarini tezlashtirsin) Ka’baning devoriga suyanajak va uch yuz o’n uch kishi ul zotning huzuriga to’plangay va ul hazratning aytadigan ilk kalomi ushbu oyati karima bo’lgay: بَقِیَةُ اللهِ خَیْرٌ لَکُمْ إِنْ کُنْتُمْ مُؤْمِنِینَ «Allohning qoldirgan narsasi sizlar uchun yaxshiroqdir, agar Allohga imon keltiruvchilar bo’lsangiz.»
So’ngra ul janob marhamat qilib aytadilar:
«Men Allohning er yuzida qoldirganidirman, ey xaloyiq, ogoh bo’lingiz, kimki Odam va Shiysga qaramoqchi bo’lsa, menman Odam va Shiys (xulq-atvor, xususiyatlar va fazilatlarga ega bo’lish nuqtai nazardan.) Kimki Nuh va uning o’g’li Somga qaramoqchi bo’lsa, menman Nuh va Som. Kimki Iso va Sham’unga qaramoqchi bo’lsa, menman Iso va Sham’un. Kimki Muso va Yusha’ga qaramoqchi bo’lsa, menman Muso va Yusha’. Kimki Muhammad (sallallohu alayhi va olihi vasallam) va mo”minlar amiri Ali (alayhis salom) ga qaramoqchi bo’lsa, menman Muhammad va Ali. Kimki Hasan va Husayn (alayhimas salom) ga qaramoqchi bo’lsa, menman Hasan va Husayn. Kimki imomlarga va Husayn avlodlariga qaramoqchi bo’lsa, menman o’sha imomlar va Husayn avlodlari. Demak, Meni ijobat qilib, qabul etishlaringni so’rayman. Shubhasiz, men sizlarga xayr-barakot etkazgayman.» (Al-imomul Mahdi minal mahdi ilaz-zuhur, 515-bet, Bihorul anvor, 53-jild, 9-bet)
