Ростгўй-Маъсумларга эргашайлик

Related Articles

Дажжол аллақачон пайдо бўлганидан хабарингиз борми?!

May 29, 2023

Фаришталарга устозлик қилган зотлар ҳақида

Mart 28, 2017

Аҳли-Байт мазҳаби ҳақ эканлигини бир дақиқа ичида Қуръоннинг уч ояти билан исботлаш

Yanvar 14, 2016

وَقَدْ أَمَرَ اللّهُ  تَعَالَى بِاتِّبَاعِكَ ، وَنَدَبَ الْمُؤْمِنِينَ إِلى نَصْرِكَ، وَقالَ عَزَّوَجَلَّ: ﴿يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ﴾

 Ҳолбуки, Аллоҳ таоло сизга эргашишни (ва сизнинг  кўрсатган йўлингиздан боришни) уларга буюрган эди ва мўъминларни сизга кўмак беришга чорлаган эди ва Енгилмас ва Буюк бўлган Аллоҳ ушбу борада шундай буюрди:

  «Эй имон келтирган инсонлар, Аллоҳ (азоби)дан сақланингиз ва ростгўй инсонлар билан бирга бўлингиз!»[1]

 Абдуллоҳ бин Аббос^{(разияллоҳу анҳу)}данривоят қилинишича, ушбу мазкур ояти шарифа имом Али^{(алайҳис салом)} ҳақларида нозил бўлган.

 Ибн Аббос^{(разияллоҳу анҳу)}дан ушбу оят борасида қуйидагича ривоят қилинган:

عَنِ ابْنِ عَبَّاسٍ رَضِىَ اللهُ عَنْهُ فِى هَذِهِ الآيَةِ: ﴿يَا أَيُّهَا الَّذينَ آمَنُوا اتَّقُوا اللهَ وَ كُونُوا مَعَ الصَّادِقِينَ﴾ قالَ: مَعَ عَلِىِّ بْنِ اَبِى طَالِبٍ وَ أَصْحَابِهِ.

 «Эй имон келтирган инсонлар, Аллоҳ (азоби) дан сақланингиз ва ростгўй инсонлар билан бирга бўлингиз! Яъни: Али бин Абу Толиб^{(алайҳимас салом)} ва унинг ёронлари билан бирга бўлингиз!».

  Бошқа бир ривоятда Жаъфар бин Муҳаммад^{(алайҳимас салом)}дан нақл қилинганки, Аллоҳ (азоби)дан сақланингиз ва ростгўй кишилар билан бирга бўлингиз! Яъни: Муҳаммад^{(саллаллоҳу алайҳи ва олиҳи)}ва Али^{(алайҳис салом)} билан бирга бўлингиз.

 Абдуллоҳ бин Умардан ушбу мазкур ояти карима ҳақида қуйидагича нақл қилинган:

عَن عَبْدِاللهِ بْنِِ عُمَرَ فِى قَوْلِهِ تَعَالَى: ﴿إِتَّقُوا اللهَ﴾ قالَ: أَمَرَ اللهُ اَصحَابَ مُحَمَّدٍ بِاَجْمَعِهِمْ أَنْ يَخَافُوا اللهَ ثُمَّ قالَ لَهُم: ﴿كُونُوا مَعَ الصَّادِقِينَ﴾ يَعْنِى مُحَمَّدًا وَ أَهْلَ بَيْتِهِ.

 «Аллоҳ (азоби)дан сақланингиз деган сўзи борасида шундай деди: Аллоҳ Пайғамбар^{(саллаллоҳу алайҳи ва олиҳи)}нинг барча саҳобаларига Аллоҳдан қўрқишларини амр қилди, сўнгра эса, уларга шундай деди: Ростгўй кишилар билан бирга бўлингиз яъни: Муҳаммад^{(саллаллоҳу алайҳи ва олиҳи)}ва Унинг аҳли-байти (хонадони) билан бирга бўлингиз».

  Имом Али^{(алайҳис салом)} Фотимаи Заҳро^{(саломуллоҳи алайҳо)} ва имом Ҳасан ва имом Ҳусайн^{(алайҳимас салом)} ва у кишининг зурриётларидан бўлган тўққиз имом, пайғамбаримиз Муҳаммад^{(саллаллоҳу алайҳи ва олиҳи)}нинг аҳли-байтлари (хонадонлари)дан эканликларига ҳеч қандай шак-шубҳа бўла олмас.

  Нақл қилинган мазкур ривоят асосида Аллоҳ таоло Ўз китобида Пайғамбаримиз^{(саллаллоҳу алайҳи ва олиҳи)}ва у ҳазратнинг аҳли-байтлари (хонадонлари)дан бўлган имом Али^{(алайҳис салом)} ва у ҳазратнинг зурриётлари, яъни, ўн бир имом билан бирга бўлишни, ҳақ ва тўғри йўлда юришни истаган барча имонли инсонларга амр қилгандир.

  Аллоҳ ушбу ояти каримада ҳеч бир қайд-шартсиз, барча ҳолатлар ва вазиятларда, Ростгўй кишилар билан бирга бўлиб, уларнинг изидан боришга буюргани, ҳамда улар ҳеч қандай хато-маъсият ва гуноҳга йўл қўймайдиган пок-маъсум, яъни: ҳар қандай гуноҳлардан йироқ кишилар ва ҳеч қандай оғиш ва бурилиш бўлмаган ҳақ ва тўғри йўлда эканликлари ва Пайғамбаримиз^{(саллаллоҳу алайҳи ва олиҳи)}дан сўнг пешво, валий ва йўлбошчи бўлишга сазовор бўлган ёлғиз инсонлар эканликларига ёрқин Қуръоний далилдир.^[2]