Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Шу вақтгача атроф-теварагимиздаги дунё ҳақида бир ўйлаб кўрганмизми?
Биз унда яшаётган дунё, инсоният тинчлиги ва хотиржамлигининг замини бўлиши керак бўлган дунё
ҳозиги кунда зулму-зўравонлик, касаллик, қашшоқлик, қотиллик ва талон-тарож, уруш ва қон тўкиш, тошқинлар, зилзилалар ва барча табиий бало-офатларга тўла дунёга айланган.
Бугунги кунда инсон дунёнинг қаерида бахтли ва тинч ҳаёт кечирмоқда?
Дунёнинг қаерида касаллик йўқ?
Ер юзининг қайси жойида адолат ҳукм сурмоқда?
Ҳақиқатан ҳам инсониятнинг орзу-истаклари ва интилишлари шу ерда тугайдими?
Бизнинг дунёмиз шундай бўлиши керакми?
Бироқ биламизки, бир кун келиб адолатнинг шукуҳли нидоси эшитилгайдир ва ҳаёт одамлар учун қулайлик ва хавфсизликка тўлиб тошган заминга айланади.
Бир кун келиб барча инсонлар қайси дин ва эътиқодга тегишли бўлишидан қатъий назар, уларнинг фитрати (илоҳий табиати) уйғонажакдир.
Чунки, улар бир Нажоткорга инонадилар ва кунларнинг бирида У келгайдир, Унинг келиши туфайли замин ва замон гуллаб яшнаб тароват топади, деб ишонадилар.
Агар дунёдаги барча ғоялар ва турли динлар унинг келиши тўғрисида хушхабар берган Халоскор келса, ер ўзининг барча хайру-баракотлари ва неъматларини инсонларга тақдим этажакдир.
Осмон инсонларга ўзининг севимли ва марҳаматли юзини намоён этади ва ўшанда қурғоқчиликдан ҳеч бир хабар бўлмагайдир;
Инсонларнинг яшаши касалликсиз ҳамда соғлиқ ва қувончга тўлиб тошади.
Умрлар узоқ ва бир неча минг йиллик ва ғам-қайғусиз бўлади.
Ернинг бойлик ва хазиналари барча инсонлар ўртасида адолатли равишда тақсимланади ва шундан сўнг зулму-ёвузлик ва ноҳақликлар таг-томири билан йўқ қилинади.
Чиндан ҳам, ўша ягона Нажоткордан бошқа ким бу яхшиликларнинг ҳаммасини бир жойда бизга келтира олади?
Бугунги ҳаётдан чарчаган одамлар ўзаро бирлашиб, Худодан ўша доимо абадий баҳор келишини сўрашлари вақти етиб келмадимикин?
Ул ҳазрат уни исташимизни биздан кутмоқдалар ва Аллоҳ ҳам биздан ўша ягона Халоскор келишини сўрашимизни кутмоқда.
Ишонинг, агар биз ул ҳазрат келишини истасак, ул зот албатта, келгайдир!!
Демак, шундай экан, келинг, ул ҳазрат келиши учун якдил ва ҳамжиҳат бўлиб, қўлимизни дуога кўтарайлик ва ул зот келадиган лаҳза учун дуо қилайлик!
السلام علیک يا أباصالح المهدي أدرکني
Салом бўлсин сизга эй Або Салоҳ Ал-Маҳдий! Мени қутқаринг!
