Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ассалому алайкум. Битта савол туғиливотти. Битта соат олмоқчиман, бу соатни ранги сарик тилла рангли, лекин сотувчи умуман тилласи йук деб айтди ва тиллани суви хам юритилмаган (позолоченные эмас) деб айтди. Мен узим аниклаштирсам, бу соат канакадир технология билан жуда хам кам микдорда тахминан 1 грамнинг 10 дан бирими ёки бир оз кўпроқ ё сали камми олтин билан ишлов берилган (русчада “полировка” деб айтилади). Саволим шуки, бу соатни ҳукми худди тилло ҳукми каби эркак киши учун ҳаром буладими?
Бисмиллааҳир Роҳмаанир Роҳийм
Ва алайкум ассалом. Ушбу саволингизнинг жавобида дастлаб қуйидаги масалага ойдинлик киритишимиз керак бўлади: Мужтаҳидларимиз фатволарига биноан, олтин эканлиги аниқ бўлган нарсани эркак киши ишлатиши ёки тақиши ҳаромдир ва асосан шариати исломияда олтин эркак киши учун ҳаром қилинган. Бироқ агар ўзингиз айтганингиздек, жуда ҳам кам миқдорда олтин суви билан соатга сайқал берилган (полировка) бўлса ва урф нуқтаи назаридан бундай соатга тилла соат деб айтилмаса, у ҳолда уни тақиш эркак кишига жоиз ва мумкин бўлади. Зероки, тилла соат деб айтиш учун жуда ҳам оз миқдорда олтин билан сайқал берилиши кифоя эмас, балки диққатга сазовор миқдорда соатнинг таркибида олтин ишлатилган бўлиши шарт. Бу масаланинг ҳукмида урфнинг қараши меъёр қилинган.
