Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Инсоннинг имон-ишонч ва илоҳий эътиқодга эҳтиёжмандлиги ҳақида
Инсон эътиқод ва илоҳий иймонга эга бўлмай туриб тўғри ҳаёт кечира оладими?
Аллоҳнинг Каломи: Асрга қасамки (Ҳақнинг Ботил устидан ғалаба қозониш Асрига, Нажоткорнинг зоҳир бўлиш Асрига қасамки,) шубҳасиз, одамлар зиёндадирлар, фақат иймон ва эътиқоди бўлганлар бундан мустасно …
- Агар шаҳар ва ободликлар аҳли иймон келтириб, тақво ва парҳизкорлик йўлини тутганларида эди, шак-шубҳасиз, биз уларга осмон ва ернинг баракот эшикларини очган бўлар эдик …
- Нажоткорнинг сўзи: Агар бирор киши: «Нимага одамлар Аллоҳга, пайғамбарларга, Аллоҳнинг ҳужжатларига ва Буюк Аллоҳ таоло томонидан келган Китобга эътиқод қилиб ишонишга буюрилганлар?», деб сўраса, жавобимиз қуйидагича бўлади:
Кўп сабабларга кўра, одамлар юқорида айтилганларга эътиқод қилиб имон келтиришга буюрилганлар, шу жумладан:
Кимда-ким Буюк Аллоҳга иймон ва ишончи бўлмаса, гуноҳлардан узоқлашмайди ва катта гуноҳлардан сақланмайди ҳамда бошқаларга зулму зўравонлик қилишда ўзи хоҳлаганидек ва ундан лаззат олганидек ҳеч кимдан қўрқмайди.
Энди, агар ҳамма одамлар шундай бўлса ва ҳар бир шахс ўзи хоҳлаганидек амал қилса ва ҳеч кимдан қўрқмаса, у ҳолда одамларнинг барчаси бузғунчига айланиб бир-бирларига ҳужум қилишади, ор-номус ва мол-мулк талон-тарож қилинади, қон ва номуснинг ҳурмати ўртадан кўтарилади ва баъзилар бошқаларни айбсиз ва ноҳақ ўлдиришади ва натижада бу ҳолат иқтисодиёт ва келажак авлод нобуд бўлишига олиб келади …
