Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
ТАВҲИД (ЯККАХУДДОЛИК) ВА ЯРАТИЛИШДАГИ ТЕНГЛИК ҲАҚИДА
Нажоткор ғоясининг доктринал хусусиятлари
Монотеизм (яккахуддолик эътиқоди):
Дин ва унинг таълимотлари асоси ва тамойиллари тавҳид-яккахудоликдир, яъни барча мавжудотларни яратган ва жонларни йўқдан бор қилган Аллоҳга ишониш ва иймон келтиришдир. Демак, У барчанинг Худоси, барчанинг Яратувчиси, барчанинг ризқ берувчиси ва ҳамма мавжудотнинг ризқи ва ҳаётини белгиловчидир. Ва ҳамма Унинг бандалари бўлиб, Унинг неъмати ва фазлу марҳаматидан озуқаланувчидирлар. Шу учун Аллоҳ таоло ҳаммани севади, қандайки бир асар эгаси ўз асарини севгани каби.
Ушбу эътиқод ва иймон инсоннинг ижтимоий муносабатларига ва инсонларнинг кундалик ҳаётда бир-бирлари билан алоқа қилишларига кўчиб ўтиши ва унинг ушбу муносабатлар ва алоқаларга бўлган таъсири кўриниши билангина комил бўлади. Тавҳид ва яккахудолик эътиқодининг энг муҳим кўринишларидан бири ва унинг исломий жамиятдаги амалий мавжудлиги – бу яшаш стандартларида одамларнинг бир-бири билан тенглигидир.
Монотеистик ва яккахудолик эътиқодининг яна бир муҳим кўриниши – бу инсонларнинг Ягона Аллоҳга таслим ва итоаткор бўлиб, Унинг азамати ва буюклигини тан олишлари, Унинг розилигини касб этиш учун ҳаракат қилишлари ҳамда сиёсий, иқтисодий тоғутларни (ҳаддан ошувчи зўравонларни) ва икккиюзламачи риёкорларни йўқ қилиш учун Аллоҳнинг бандалари орасида фарқ қўймасликларидир.
Яратилишдаги тенглик:
«Эй одамлар, Биз сизларни бир эркак ва аёлдан яратдик ва бир-бирингизни таниб олишингиз учун сизларни турли қабила ва миллат-элатлар қилиб қўйдик. Албатта, сизларнинг Аллоҳ наздидаги энг ҳурматлироғингиз энг тақводорроғингиздир. Албатта, Аллоҳ билувчи ва огоҳдир».
Шубҳасиз, бу илоҳий нидо ва даъватнинг ўзи одамлар ўртасидаги фарқлар ва имтиёзларни орадан йўқотишга чақириқдир. Зеро, Тангри таоло одамлар бир-бирларини танишлари ва ўзаро борди-келди қилишлари учунгина одамлар ўртасида турли насл-насабга ва шаҳарларда бўлиш нуқтаи назаридан фарқ қўйган, мағрурликка берилиб насл-насабидан фахрланиб ўзларини бошқалардан устун қилиб кўрсатишлари ва бир-бирларига нисбатан кибрли бўлиб ўзларини устун деб билишлари учун эмас. Демак, инсонлар орасида аслида ҳеч қандай тафовут ва имтиёз йўқ.
