Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Хутбанинг ниҳоясида шундай марҳамат қилдилар: Худоё гувоҳ бўлгин! Ривоят қилувчи шундай дейди: Иккалалари бир-бирларидан узилмай туриб, Пайғамбар (саллаллоҳу алайҳи ва олиҳи)га ушбу ояти карима нозил бўлди:
﴿… أَلْيَوْمُ أَكْمَلْتُ لَكُمْ دِينَكُمْ وَ أَتْمَمْتُ عَلَيْكُمْ نِعْمَتِى وَ رَضِيتُ لَكُمُ الْإِسلَامَ دِينًا…﴾
«Бугун мен сизлар учун динингизни комил қилдим ва сизларга неъматимни тўла-тўкис қилиб бердим ва сиз учун Исломни дин қилиб қабул этдим». (Моида сураси3-ояти).
Ушбу ояти шарифа нозил бўлгач, Расулуллоҳ(саллаллоҳу алайҳи ва олиҳи) буюрдилар:
أَللهُ اَكْبَرُ عَلَى اِكْمَالِ الدِّينِ وَإِتمَامِ النِّعْمَةِ وَ رِضَا الرَّبِ بِرِسَالَتِى وَ الْوِلايَةِ لِعَلِىٍّ مِنْ بَعْدِى.
«Аллоҳ динни комил қилишда ва неъматни тўкис қилиб беришда ва Парвардигор менинг пайғамбарлигимга ва мендан сўнг Алининг валий ва пешволигига рози-хушнуд бўлишда Буюк Зотдир».
Бу муҳим бўлган воқеани жуда кўп аҳли суннат алломалари ўз китобларида бутун асрлар давомида ёзиб қолдирганлар ва бу пайғамбаримиз Муҳаммад(саллаллоҳу алайҳи ва олиҳи)нинг аҳли-байтлари (хонадонлари)дан иборат бўлган имом Али(алайҳис салом) ва у кишининг ўн бир фарзандлари ва покиза зурриётлари бўлмиш кейинги ўн бир имомга эргашиб, уларнинг кўрсатган йўлларидан борган мусулмонлар тўғри ва ҳақ йўлда эканликларига ёрқин далилдир.[1]
[1]. Аҳли суннат олимлари ушбу мазкур воқеани ёзиб қолдирган китоблардан намуна:
- Ҳофиз Ҳасконий, «Шавоҳиддут танзил», 1-ж, 157-158 ва 190- дан 193-б, ва 3-ж, 110-б.
- Ҳайсамий, «Мажмаъуз-завоид ва манбаъул-фавоид», 9-ж, 105 ва 162-163-165-бетлар.
- Ибн Касир, «Албидояту ван-ниҳояҳ», 5- ж , 209-210-213-бетлар ва 9-ж, 209-212-бетлар.
- Ҳоким Нишобурий, «Ал-мустадраку алас-саҳиҳайн»,3-ж,109-б.
- Ибн Можаҳ Қазвиний, «Сунану Ибн Можаҳ», 1-ж, 43-б, 116-ҳ.
- Аҳмад Ибн Ҳанбал, «Муснаду Аҳмад Ибн Ҳанбал», 1-ж, 118-119-бетлар, 4-ж, 281-368-370-372-373-бетлар, 5-ж, 347-370-бетлар, 6-ж, 281-б.
- Али ибн Бурҳониддин Ал-Ҳалабий, «Ас-сийратул ҳалабия», 3-ж, 274-275-бетлар.
- Жувайний Хуросоний, «Фароидус симтайн», 1-ж, 74-75-бетлар.
