Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ассалому алайкум Нажот кемаси жамоаси. Сизларга саволим бор эди. Фитр рўзани чиқариб олиб қўйгандим, лекин уни қўйган жойимдан топа олмадим. Менинг тақлидим Оятуллоҳ Макорим Широзийга. Нима қилишни билмай турибман. Бўйнимдаги вазифа нима эканлигини айтиб берсаларинг. Жавоб учун олдиндан раҳмат.
Ҳурман билан
Нодира
Бисмиллаҳир Роҳманир Роҳийм
Ва алайкум ассалом ва раҳматуллоҳ.
Фитр закотини йўқотиб қўйган шахснинг вазифасини Оятуллоҳ Макорим Широзий қуйидагича баён қилганлар;
Савол: Агар бир миқдор молни (пулни) фитр закоти деб чиқариб қўйгач, уни йўқотиб қўйсак, зиммамиздаги вазифа нима?
Жавоб: Фитр рўза учун деб чиқариб қўйилган мол ёки пул йўқолса, агар камбағалга етказишнинг имкони бўла туриб, эътиборсизлик ва лоқайдлик қилган бўлса, у ҳолда ўша фитр рўзанинг бадалини бериши зарур ва агар фитр рўзани бериш учун бирор камбағални топа олмаган ва уни сақлаб қолишда ҳам эътиборсизлик ва лоқайдлик қилмаган бўлса, у ҳолда унинг зиммасида бирор вазифа йўқ.
Бадални маъноси ўрнига бериладиган «эваз» дегани. Яъни ўша йўқолган пул ёки молнинг мислини, эвазини чиқариш керак, каффораси эмас.
Манба:
Эҳтиром ила:
Нажот Кемаси таҳририяти
