Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Қуръонда энг кўп қасамёдлар келтирилган сура ҳақида сўз юритмоқчимиз. Ҳаммамизга маълумки, агар бир киши айтадиган гапи ўта аҳамиятли эканини билдирмоқчи бўлса, у ҳолда кетма-кет қасам ичади-да, кейин ўша юқори аҳамиятли гапини бир неча қасамёдлардан сўнг айтади!
Аллоҳ ҳаққи, Пайғамбарга қасам, Қуръонга қасам ва ҳоказо …
Шунингдек, Қуръон Карим ҳам бир масаланинг ўта аҳамиятли эканини маълум қилиш учун бирин-кетин турли нарсалар номи билан қасамёд қилади.
Сиз Қуръоннинг қайси сурасида энг кўп қасам келганини биласизми?!
Бир суранинг ўзида ўн битта қасам кетма-кет келгани Қуръон сураларидаги энг кўп қасамёд ҳисобланади. Энди Шамс сурасидаги ўн битта қасамни кўздан кечирамиз:
وَالشَّمْسِ وَضُحَاهَا
«Қуёшга қасам ва унинг ёғдуси қасам».
وَالْقَمَرِ إِذَا تَلَاهَا
«Унинг қуёшнинг ортидан келган ойга қасам».
وَالنَّهَارِ إِذَا جَلَّاهَا
«Ва кундузга қасам уни [қуёшни оламга] ошкор қилган вақтда».
وَاللَّيْلِ إِذَا يَغْشَاهَا
«Тунга қасам у [қуёш]ни қоплаб олган вақтда».
وَالسَّمَاءِ وَمَا بَنَاهَا
«Осмонга қасам ва уни бино қилган Қудратли Зотга қасам».
وَالْأَرْضِ وَمَا طَحَاهَا
«Ерга қасам ва уни ёйиб қўйган Зотга қасам».
وَنَفْسٍ وَمَا سَوَّاهَا
«Инсон жони–нафсига қасам ва уни расо қилиб яратган Зотга қасам».
Энди шунча қасамёдлардан кейин Қуръони Карим қандай бир муҳим масалани айтмоқчи деб ўйлайсиз?!
– Сизнингча, қандай аҳамияти юқори бир масала бўлиши мумкин?!…
Бу саволга жавоб беришдан олдин озгина фикр юритиб сўнгра жавоб берсак.
Аллоҳ таоло Ўзининг ҳикматли каломи Қуръони Каримда ЎН БИТТА ҚАСАМдан кейин шундай марҳамат қилади:
قَدْ أَفْلَحَ مَن زَكَّاهَا
«[Буларнинг барчасига қасамки,] ким уни [ўз нафсини-жонини] покласа, шак-шубҳасиз нажот топибди».
Кейин эса қарши тоифадаги кишиларнинг ҳолини баён қилиб айтади:
وَقَدْ خَابَ مَن دَسَّاهَا
«Кимки уни [ўз нафсини-жонини гуноҳ ва ҳаром ишлар билан] булғаб хорласа, дарҳақиқат, ноумид ва маҳрум бўлгандир».
Демак, эътиборли бўлайлик, Аллоҳ таоло Ўзининг ҳикматли каломи Қуръони Каримда ЎН БИТТА қасамёд келтирган, токи биз нажот топишнинг ягона йўли – ўзини пок сақлаш ва тузатиш ҳамда гуноҳ ва ҳаром ишлардан тийилиш эканига ишонайлик!
Ўрталаб ўтадиган ва осон ЙЎЛни қидираётганлар ҳамда зикр, дуо-илтижо ва ҳоказолар кетида юрганлар билсинларки, юқоридаги оятда айтилгандан бошқа нажот ва саодат йўли йўқдир.
Нажот ва саодат йўли фақатгина шу:
1. Ўзини пок сақлаш ва ўз устида ишлаб уни тузатиш.
2. Гуноҳ ва ҳаром қилинган ишлардан сақланиш.
Ушбу ИЛОҲИЙ ХАБАРни улкан ажр-мукофотга эга бўлиш учун яқинларимизга ҳам улашайлик!
