Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ассалому алайкум Нажот Кемаси Таҳририяти. Яхшимисизлар? Рашк қилиш тўғрисида саволим бор эди. Аҳли сунна биродарларимиздан рашк яхши деган хадислар келади. Бизда эса аёлнинг эрига бўлган рашки ёмон дейилганини эшитганман. Шунга рашк тўғрисида бирор манбангиз борми?
- Ҳурмат билан
- Абдураҳмон
БИСМИЛЛАҲИР РОҲМАНИР РОҲИЙМ
Ва Алайкум Ассалом ва Раҳматуллоҳ Ҳурматли Биродаримиз. Катта раҳмат. Аллоҳ таолога шукр.
Аёлнинг эрига рашк қилиши тўғрисида мўминлар амири ва тақводорлар сардори ҳазрати Али (алайҳис салом) шундай деб марҳамат қилганлар:
قَالَ عَلِيٌّ (علیه السلام): غَيْرَةُ الْمَرْأَةِ كُفْرٌ، وَغَيْرَةُ الرَّجُلِ إِيمَانٌ.
«Аёлнинг рашки куфр ва иймонсизликдир. Бироқ эркакнинг рашки эса иймондир».
Манба: Наҳжул Балоға, 124-ҳикмат.
Ҳадиснинг изоҳи: Аёлнинг рашки куфрга сабаб бўлади. Чунки, аёлнинг рашки Ислом динида жоиз ва ҳалол бўлган қўшхотинлилик масаласини тақиқлашга ва уни ҳатто ҳаромга чиқаришга олиб келади.
Эркакнинг рашки ёки тўғрироғи орият ва ҳамияти эса иймондандир. Зероки, эркакнинг орият ва ҳамияти ўз оиласини қўриқлаб, уни нобуд бўлишдан сақлаб қолишга ундайди ва шунингдек, бу хислат эркакни зино, ахлоқий бузуқлик ва айшу-ишрат каби Аллоҳ таоло ҳаром қилган амаллардан узоқлаштиради.
Аммо Аҳли сунна биродарларимиздан рашк яхши деган ҳадислар келади, деган сўзингизга жавобан, шуни айтиш керакки, Аҳли суннат манбаларида келган кўпгина ҳадислар уйдирма ва тўқима ҳадислар бўлгани учун уларга эътибор қилмаслик керак!
Шуни таъкидлаб айтиш лозимки, шак-шубҳасиз, тўғри йўл – бу сарвари олам Муҳаммад Расулуллоҳ (соллаллоҳу алайҳи ва олиҳи васаллам) ва у зотнинг Аҳли-Байтларига эргашиш ва у буюк зотларнинг кўрсатган йўлларидан боришдир.
