Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Қуръони Каримда асалнинг шифобахш хосияти ҳақида шундай дейилган:
﴿وَأَوْحَى رَبُّكَ إِلَى النَّحْلِ أَنِ اتَّخِذِي مِنَ الْجِبَالِ بُيُوتاً وَمِنَ الشَّجَرِ وَمِمَّا يَعْرِشُونَ * ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ إِنَّ فِي ذَلِكَ لآيَةً لِّقَوْمٍ يَتَفَكَّرُونَ﴾
«Раббингиз асалариларга ваҳий қилди: «Тоғларга, дарахтларга ва [одамлар] барпо қиладиган нарсаларга ин қурингиз. Сўнгра турли мевалардан еб, Парвардигорингиз [сиз учун] қулай қилиб қўйган йўллардан юрингиз!» Уларнинг қоринларидан одамлар учун шифо бўлган турли рангдаги шарбат [асал] чиқур. Албатта, бунда фикр юритадиганлар учун оят-мўъжиза бордир» (Наҳл сураси, 68-69-оятлар).
Юқоридаги оятларда айтилганидек, асал «одамлар учун шифо»дир. Бугунги кунда дунёнинг илм-фанда ривожланган мамлакатларида асаларичилик ва асал маҳсулотлари устида олиб борилган тадқиқот ва изланишлардан ушбу шифобахш шарбатнинг янги қирралари кашф этилди. Ушбу изланишга асосланиб, асалнинг айрим шифобахш хосияти ва фойдаларини бу ерда келтирамиз:
1. Асал осон ҳазм бўлади: Асалдаги қанд молекулалари бошқа қанд моддаларига қараганда, фруктозадан глюкозага тезлик билан айлана олиши сабабли, асал ўзининг юқори кислотали таркибига қарамасдан ҳар қандай ошқозонда осон ҳазм бўлади. У буйрак ва ичакларнинг яхшироқ фаолият кўрсатишига ёрдам беради.
2. Асал қон орқали тез тарқалиб, қувват олиш манбаига айланади: Асал устидан илиқ сув ичилса, асал қон оқимига етти дақиқада тарқалади ҳамда унинг эркин қанд молекулалари мия фаолиятини яхшилайди. Чунки инсон мияси қандни энг кўп истеъмол килувчи аъзодир. Асал глюкоза ва фруктоза каби қандларнинг табиий бирикмаси манбаидир. Яқинда ўтказилган тадқиқотга кўра, глюкоза ва фруктоза сингари қандларнинг ягона аралашмаси чарчоқни кетказиш ва енгил ҳаракатни ошириш учун энг самарали восита бўлиб хизмат қилади.
3. Асал қон ҳосил бўлишини таъминлайди: Асал қон ҳосил қилиш учун тана томонидан талаб этиладиган энергиянинг энг муҳим қисмини таъминлайди. Бундан ташқари, асал қонни тозалашда ёрдам беради ҳамда асал қон айланишини тартибга солиш ва осонлаштиришда айрим ижобий таъсирларга эга. Шунингдек, асал қон томири капилляр муаммолари ва артерио склерозга қарши ҳимоя вазифасини ҳам бажаради.
4. Асал бактерияларга ўрин қолдирмайди: Асалнинг бактерицид, яъни бактерияни ўлдирувчи хосияти «даф қилиш эффекти» бўлиб, ушбу анти микробик хусусият бир неча илмий асослар билан изоҳланади. Масалан: Микро организмларнинг кўпайиши учун керак бўладиган сув миқдорини чекловчи юқори қандли таркиб бактерияларнинг кўпайиши учун зарур бўлган азотдан уларни маҳрум қилувчи юқори кислоталик (кичик pH) ва бирикма, водород пероксид ҳамда антиоксидловчиларнинг асалда мавжудлиги бактерия кўпайишининг олдини олади.
5. Асал антиоксидловчи хусусиятга эга: Соғлом ҳаёт кечиришни хоҳлаган ҳар бир киши антиоксидловчилар истеъмол қилиши шарт. Булар ҳужайралардаги таркибий қисмлар бўлиб, нормал метаболик функцияларнинг зарарли қўшимча моддаларини бартараф қилади. Бу элементлар овқатнинг айниши ва кўплаб сурункали касалликларни келтириб чиқарадиган бузувчи кимёвий реакцияларга барҳам беради. Тадқиқотчиларнинг фикрича, антиоксидловчиларга бой озиқ-овқат маҳсулотлари юрак муаммолари ва саратон касаллигининг олдини олиши мумкин. Асал таркибида пиносембрин, пинобахин, кризин ва галагин каби кучли антиоксидловчилар мавжуд. Пиносембрин антиоксидловчи фақат асалда мавжуд, холос.
6. Асал витамин ва минераллар депоси: Асал глюкоза ва фруктоза каби қандлар ҳамда магний, калий, калций, натрий хлор, олтингугурт, темир ва фосфат каби минераллардан таркиб топган. Асал V1, V2, V3, С, V5 ва V6 витаминларини ўз ичига олган бўлиб, уларнинг барчаси нектар ва гулчангларнинг сифатига қараб ўзгаради. Юқоридагилардан ташқари, асалда оз миқдорда бўлса-да, мис, ёд ва рух элементлари ҳам бор.
Асалнинг бактерия ҳамда яллиғланишга қарши хоссалари клиник кузатувлар ва изланишлар натижасида аниқланди. Асал касалликдаги инфекция ва ўлик ҳужайраларни оғриқсиз тозалашда ва янги тўқималарнинг ривожланишида ниҳоятда фойдалидир. Асалдан дори сифатида фойдаланиш энг қадимги ёзувларда ҳам қайд этилган. Ҳозирги кунда шифокор ва олимлар асалнинг жароҳатларни даволашдаги самарадорлигини қайта кашф этишмоқда. Сўнгги 20 йил мобайнида асални тадқиқ қилган етакчи олим Янги Зеландиядаги Уайкато Университетининг биокимё соҳаси профессори Доктор Питер Молан асалнинг антимикробик хусусияти ҳақида шундай дейди:
«Ўтказилган тажрибалар шу нарсани кўрсатдики, шифохонларда куйган жойни даволаш учун энг кўп ишлатиладиган антибактериал малҳам, кумушли сулфадиазинга қараганда, асал куйган яраларга инфекция туширмаслиги билан энг фойдалидир».
Мақола унвони: «Инфекция тушган жароҳатларга қарши асал».
Манба: www.apitherapy.com/honeysk.html
Асал жароҳатларни даволашда ишлатилади:
– Асал ҳаводан намликни тортиб олиш қобилиятига эгалиги туфайли соғайиш жараёнини осонлаштиради ва чандиқ ҳосил бўлишининг олдини олади. Бунга сабаб, асал соғайган жароҳат устида янги тери қопламини пайдо қиладиган эпителиал ҳужайраларнинг ўсишини тезлаштиради. Шу йўсинда, ҳатто катта жароҳатларда ҳам асал тўқима кўчириб ўтказиш заруриятига ҳожат қолдирмайди.
– Асал соғайиш жараёнида иштирок этадиган тўқиманинг қайта ўсишини тезлаштиради. У янги қон капиллярларининг шаклланишини ва теридаги чуқурроқ қатламнинг бириктирувчи тўқималари ўрнини эгаллайдиган фибробластларнинг ўсишини тезлаштиради ҳамда тузалишга куч берадиган коллаген толаларини ишлаб чиқаради.
– Асал яллиғланишга қарши таъсирга эга бўлиб, жароҳат атрофидаги шишни камайтиради ва бу эса қон айланишини яхшилайди ва шу тарзда соғайиш жараёнини тезлатади. Асал оғриқни ҳам камайтиради.
– Асал жароҳатдаги тўқималарга ёпишиб қолмайди. Демак, жароҳатдаги боғлам ўзгартирилганда, эндигина пайдо бўлган тўқима юлиб олинмайди ва оғриқ бўлмайди.
– Нур билан қилинган муолажа натижасида беморларда пайдо бўладиган жароҳат ёки чандиқ устидан асал қўйиб боғлаш жуда яхши фойда беради.
– Юқорида қайд этилганидек, асалнинг антимикробик хусусияти туфайли у яраларга инфекция тушишининг олдини олувчи ҳимоя тўсиғини ҳосил қилади. Шунингдек, асал жароҳатлардан инфекцияларни тез тозалайди. Асал бактериянинг антибиотикка чидамли турларига ҳам самарали таъсир кўрсатади.
Бу маълумотлардан асалнинг кўплаб «соғайтирувчанлик» хусусиятларига эга эканлиги кўриниб турибди. Бу шубҳасиз, куч-қудратда Ягона Зот бўлган Аллоҳ таолонинг ваҳий қилган сўнгги каломи – Қуръони Каримнинг мўжизаларидан биридир. Асалнинг озуқавий қиммати ва шифобахш хусусияти ҳақида қуйидаги маълумотни кўздан кечирамиз:
2000 йилнинг 10 ва 13 сентябр кунлари Мелбурнда ўтказилган «Жароҳатни даволаш бўйича биринчи жаҳон конгресси»да асалнинг жароҳатни даволашда қўлланиши муҳокама қилинди. Конгресс давомида қуйидагича фикрлар билдирилди:
«Антибиотикларга ўта чидамли бактериялар билан инфекцияланган жароҳатлар учун даво топиш мақсадида кўплаб антибактериал моддалар ўрганиб чиқилмоқда. Чунки бу мавзу катта клиник муаммога айланмоқда. Лекин кўпчилик табиий моддаларнинг инфекция тушган жароҳатларга яхши таъсир кўрсатиши исботланмаган ёки уларнинг жароҳат тўқималарига ёмон таъсир кўрсатганлиги тўғрисида ҳам маълумотлар йўқ. Аммо асал эса ўзгачадир. Чунки унинг жароҳат битишида 4000 йилдан буён ишлатилиши ҳақида жуда қимматли маълумотлар бор … Асалда кучли антибактериал таъсир мавжуд ва жароҳатга тушган инфекцияни тозалаш ҳамда яраларни инфекция тушишдан асрашда унинг таъсири жуда каттадир».
Фойдаланилган манбалар:
- «Honey A Source of Antioxidants» [Асал – антиоксидловчилар манбаи], Journal of Apicultural Research [Асаларичилик тадқиқотлари журнали], 1998, 37:221-225. www.nutritionfarm.com/health_news/1998/antioxidants4.html
- Janet Raloff, «The Color of Honey» [Асалнинг ранги], www.sciencenews.org/sn_arc98/9_12_98/Bob1.html
- Anji Knoks, «Harnessing honey’s healing power» [Асалнинг шифобахш кучидан фойдаланиш], 8 июн, 2004 йил. http://news.bbc.co.uk/2/hi/health/3787867.html
- «Honey As Medicine-Australia Produces A World’s First!» (Асал тиббиёт сифатида – Австралия дунёда биринчи бўлиб ишлаб чиқаради!), San Diego Earth Times, 2000 yer; www.sdearthtimes.com/et0100/et0100s17.html
