Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Нажоткор томон глобал чақириқ
Адолатли ва солиҳ жамиятнинг сиёсий хусусиятлари:
1. Одил ва солиҳ бошқарувни қабул қилиш
Шак-шубҳасиз, солиҳ одамлар ва адолатли жамият ҳар қандай ҳокимият ва бошқарувга бўйсунаверишмайди ва ҳар қандай давлатни ҳам қабул қилаверишмайди. Улар ўзларига мос ва монанд бўлган солиҳ амалдорларни танлайдилар ва ҳар қандай нолойиқ ва сирли мансабдорларни шошилинч тарзда аниқлаб, уларни бошқарувдан кетказадилар. Агарчи ўша сирли, фирибгар ва таъсирчан шахслар кўплаб макру ҳийлалар билан халқни алдамоқчи бўлишса-да.
Солиҳ ва адолатли жамиятларда қалбаки ва нохолис сиёсий буюмлар, сирли таъсирчан ва ташқи кўриниши тузук бўлган кимсаларнинг профессионал ташвиқот-тарғиботлари ҳеч наф бермайди ва солиҳ бўлмаган адолатсиз шахслар юзларига қандай ниқоб кийиб олмасинлар, бундай жамиятда уларга ўрин йўқ.
- Аллоҳнинг Каломи: Сизнинг валийингиз [раҳнамоингиз] фақат Аллоҳ ва Унинг Расули ва иймон келтирганлардир. Улар намозни тўкис адо этадиган, рукуъ қилган ҳолда закот [садақа] берадиганлардир.
- Мўмин эркаклар ва аёллар бир-бирларига нисбатан яқин дўст (валий ва ҳомий)дирлар.
- Ким Аллоҳга ва Унинг Расулига итоат қилса ҳамда мўминларга дўстлик ва ёрдам кўрсатадиганлардан бўлса, (шубҳасиз, у Аллоҳнинг гуруҳидандир) ва албатта, Аллоҳнинг гуруҳи бўлганлар охир-оқибат ғолибдирлар.
- Нажоткорнинг сўзи: Ушбу оятнинг тафсирида:
﴿يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّـهَ لَعَلَّكُمْ تُفْلِحُونَ﴾
«Эй иймон келтирганлар, сабр қилинглар ва қаттиқ туринглар ҳамда курашга бел боғлаб ҳозир туринглар. Ва Аллоҳга қарши чиқишдан сақланинглар. Шояд, нажот топсаларингиз» (Оли Имрон сураси, 200-оят).
- Нажоткор шундай айтади: Оятнинг маъноси шуки, ўз вазифаларингизни бажаришда сабрли бўлинглар, душманларингизга қарши қаттиқ туринглар ва Имомингизга итоат қилинглар.
- Нажоткорнинг сўзи: Ҳар бир шаҳар аҳолиси учун дунё ва охират ишларида уларга бошпана ва қароргоҳ бўлиб хизмат қиладиган уч киши бўлмоғи зарур ва агар уларда бу уч киши бўлмаса, у ҳолда улар ақли паст ва эргашувчи одамлар бўлишади.
Мазкур уч киши қуйидагилардан иборат:
- Тақволи ва художўй олим,
- Иши яхши ва тўғри бўлган ҳамда халқнинг ишончини қозонган амалдор,
- Билимли ва содиқ шифокор.
