Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Нажоткор томон глобал чақириқ
Нажоткор яратадиган солиҳ ва адолатли жамиятнинг ижтимоий хусусиятлари:
3. Инсон эркинлигининг душманлари билан курашишга тайёргарлик
Келинг, Нажоткорнинг идеалларини [орзу-истакларини] танийлик, унинг ҳақиқатига иймон келтирайлик, ўз ҳаётимизда унга амал қилайлик, токи У БУЮК ИНСОНнинг раҳбарлиги остида адолатга, маънавиятга, инсоний ахлоқ ва фазилатга тўла ва лиммо-лим бўлган хавфсиз ва осуда дунёни яратайлик.
Турли ҳодисаларга қарши туришга ва ижтимоий офатларнинг олдини олишга тайёр бўлмоқлик солиҳ ва адолатли жамиятларнинг яна бир хусусиятидир. Солиҳ ва адолатли жамият ҳеч қачон воқеа-ҳодисалар содир бўлиб у бехабар қолишига йўл қўймайди, балки доимо воқеа-ҳодисаларнинг олдини олиш чорасини кўради ва агарда бирор ҳодиса юз бергудек бўлса, бор имконияти билан унга қарши туради.
Бу хусусият солиҳ ва адолатли жамиятдаги ҳушёрлик, уйғоқлик, тафаккур юритишлик ва ҳисоб-китоблиликдан келиб чиққандир.
Нажоткорнинг сўзи: Душман сизга ҳужум қилишидан олдин, сиз душманга ҳужум қилинг! …
… Аллоҳга қасамёд этаманки, душман унинг тупроғига қадам қўйгунига қадар кутиб ўтирган ҳар бир миллат хор-залил бўлди … (ва мағлубиятга учради …).
… Биз ва хорлик ҳеч қачон!! Биз зинҳор хор-залилликка бўйин эгмаймиз!!
… Биз мардона фидокорлик ва жонбозликни номард ва ярамасларга бўйсунишдан афзал кўрамиз …
* Ҳа, Аллоҳ таолонинг йўллаган пайғамбарлари золимлар томонидан инсонларнинг қўл-оёқларига боғлаб қўйилган барча занжирларни очиб ташлаш учун келганлар.
Ҳақиқатан ҳам пайғамбарлар одамларни озод қилдилар. Улар одамларни барча тоифадаги чекловлар, жумладан: атеизм-худосизлик, политеизм-ширк ва будпарастлик, зулму ноҳақлик, қашшоқлик, бахтсизлик, фасод-бузғунлик, камситиш ва айримачилик, эркинлик ва инсоний қадр-қимматга барҳам бериш, ахлоқий қадриятларни рад этиш ва интеллектуал чеклашлар каби кишанлардан озод этдилар.
Ва бугунги кунда ҳам Нажоткор пайғамбарларнинг мақсадларига мувофиқ, барча чекловлар ва банд-кишанларга қарши, айниқса янги ва замонавий оммавий ахборот воситаларининг нопок ва чиркин тарғиботларига, вертуал муҳитда амалга ошириладиган ғоявий ҳужумларга ва турли террористик фаолиятлар ва ҳоказоларга қарши курашади ва уларни йўқ қилади.
