Бисмиллаҳир Роҳманир Роҳийм
- Кексалиги туфайли рўза тута олмайдиган одам ёки рўза тутиш унга ўта машаққатли бўлган одамлар учун рўза тутиш вожиб эмас. Аммо рўза тутиш унга машаққатли бўлган одамрўза тутмаган ҳар бир кун учун бир«Муд таом», яъни 750 грамм миқдорида буғдой ёки арпа ва шунга ўхшаш нарсадан фақир ва муҳтож кишига фидя бериши зарур. (1725-масала)
- Кексалиги туфайли рўза тутмаган одам Рамазон ойидан кейин рўза тута олса, Рамазон ойида тута олмаган рўзаларининг қазосини (яъни бир кунига бир кун) тутиб бериши эҳтиёт вожибдир. (1726-масала)
- Туғруқ вақти яқинлашган ва рўза тутиш унинг ҳомиласига зарарли бўлган аёлга рўза тутиш вожиб эмас. Ҳар бир рўза тутмаган куни учун бир«Муд таом», яъни 750 грамм миқдорида буғдой ёки арпа ва шунга ўхшаш нарсадан фақир ва эҳтиёжманд кишига фидя бериши шарт ва кейинчалик рўза тутмаган кунларининг қазосини ҳам тутиб бериши зарур.
Шунингдек, агар рўза ҳомиладор аёлнинг ўзига зарарли бўлса, у ҳолда ҳам унга рўза тутиш вожиб эмас. Ҳар бир кун тутмаган рўзаси учун эҳтиёт вожиб бир «Муд таом», яъни 750 грамм миқдорида буғдой ёки арпа ва шунга ўхшаш нарсадан камбағал ва эҳтиёжманд кишига фидя бериши лозим. Ҳар иккала ҳолатда ҳам тутмаган рўзаларининг қазосини тутиб бериши шарт.
- Сути кам бўлган эмизикли боласи бор аёл, боланинг онаси ёки боланинг дояси (сут эмизувчиси) ёхуд ҳеч нарса талаб қилмаган ҳолда (бепул) болани эмизаётган аёлнинг тутган рўзасидан болага зарар етадиган бўлса, бу тоифадаги аёлларга рўза тутиши вожиб эмас. Рўза тута олмаган ҳар бир куни учун бир«Муд таом», яъни 750 грамм миқдорида буғдой ёки арпа ва шунга ўхшаш нарсадан фақир ва камбағал кишига фидя бериши шарт.
Шунингдек, агар рўза тутиш эмизикли аёлнинг ўзига зарарли бўлса, у ҳолда ҳам рўза тутиш унга вожиб эмас. Эҳтиёт вожиб ҳар бир рўза тутмаган куни учун бир «Муд таом», яъни 750 грамм миқдорида буғдой ёки арпа ва шунга ўхшаш нарсадан фақир ва эҳтиёжманд кишига фидя бериши зарур. Ҳар иккала ҳолатда ҳам тутмаган рўзаларининг қазосини тутиб бериши шарт. (1729-масала)
NAJOTKEMASI.NET – Халқаро Исломий Ахборот ва Тадқиқот Марказида тайёрланди.