Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ассалому алайкум. Саволим шуки, илмсиз бўлган бир кишини бу эътиқод тўғри йоки у эътиқод тўғри деб таьлим берса, аммо оллох хузурида бу бузуқ эътиқод бўлса ва шу бузуқ эътиқод билан ўлиб кетса, илимсиз одам ўзи жавобгарми йоки таьлим берган устозларми?
Ҳурмат билан
Расулбек
БИСМИЛЛАҲИР РОҲМАНИР РОҲИЙМ
Ва Алайкум Ассалом Ҳурматли Биродар.
Пайғамбаримиз Муҳаммад Расулуллоҳ (соллаллоҳу алайҳи ва олиҳи васаллам) илм ўрганишни ҳар бир мусулмон эркак ва аёлга фарз деб айтганлар ва Қуръони Каримнинг ҳам кўпгина оятларида ақл ишлатиш ва тафаккур юритишга чақирилиб, бу ҳақда жиддий кўрсатмалар берилган. Шунинг учун, ҳар бир инсон ўз эътиқодини аниқ ва қатъий далил-исботлар асосида ўрганиб чиқиб, ўзининг исломий ҳаётини илм-маърифат асосида қурмоғи лозим. Шундай экан, бирор устоз бу эътиқод ёки у эътиқод тўғри деб таълим берган бўлса-да, лекин ўша ақиданинг тўғрилигини исботловчи ҳамма далилларни чуқур ўрганиб чиқиш керак ва худди шундай ўша эътиқодга қарши турган томонни ҳам чуқур ўрганиб чиқиш зарур. Бунинг учун кўр-кўрона йўл тутмай, муаассибликни бир четга суриб қўйиб, фалончи домланинг маърузасини эшитиш билан эмас, балки биринчи нозил бўлган Аллоҳ таолонинг ушбу оятига:
﴿اقْرَأْ بِاسْمِ رَبِّكَ الَّذِي خَلَقَ﴾
«Яратган Парвардигоринг номи билан ўқи» (Алақ сураси, 1-оят)га амал қилиб, ақида бобида ёзилган китобларни чуқур ўқиб мутолаа қилиб ўрганиш керак. У ҳам бўлса, фақат бир эътиқодга тааллуқли бўлган китобларни эмас, балки қарши томон эътиқодининг ҳам китобларини мутолаа қилиб ўрганиш керак бўлади. Шундагина шахс танлаган эътиқоди ва ўша эътиқоди асосидаги амаллари учун қиёмат кунида Аллоҳ таоло ҳузурида юзи ёруғ бўлиб, жавобгар ҳам бўлмайди, иншо Аллоҳ.
Ушбу мақсадда илмий тадқиқот услубида ёзилган қуйидаги китобни чуқур ўқиб мутолаа қилиб ўрганишни барча ҳақиқат изловчиларига тавсия этилади:
-
Эҳтиром ила:
-
Нажот Кемаси Таҳририяти
