Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Ассалому Алайкум Нажот Кемаси Жамоаси.
Бир муслима аёл шундай деб савол сўраган: Мен эрим билан алоқа қилгандан кейин кўпи билан ярим ёки бир соат вақт ўтгач, ҳаммомда чўмилиб жанобат ғуслини оламан. Кун бўйи юриганимда зуҳр вақтигача подкладкамга суюқлик тушганини сезаман. Шунга иккиланаяпман бу выделенийми ёки сперма қолдиғими? Бошқа вақт бундай бўлмайди. Шундай пайтда жунобат ғуслини қайтадан олайми ёки йўқми?
Баъзиларнинг айтишича, аёл эри билан оргазм ҳолатига тушсагина жунуб бўлади, сперма аёл кишига текканда эмас. Шу ҳукм тўғрими?
- Хурмат билан
- Ғазанфар
БИСМИЛЛАҲИР РОҲМАНИР РОҲИЙМ
Ва Алайкум Ассалом ва Раҳматуллоҳ Ҳурматли Биродар.
Агар жанобат ғуслидан кейин эркакнинг манийси (спермаси)нинг қолдиғи аёлдан ажралиб оқиб тушса, унга қайтадан ғусл қилиш вожиб бўлмайди. Ва шунингдек, агар маний ўзидан ёки эридан чиққанига шубҳа қилганида ҳам, ҳукм худди шундай бўлади. Лекин агар оқиб чиққан маний ўзиники эканлигига ёки эрининг манийси билан аралашганлигига ишонч ҳосил қилса ёки шуни аниқ билса, у ҳолда аёлга яна жанобат ғуслини бажариш вожиб бўлади.
Манба: Имом Хумайний, «Тавзийҳул масоил», 1-жилд, 211-бет.
Энди эса ушбу масаланинг ҳукмини баъзи мужтаҳидларимизнинг фатволарида ўрганиб чиқамиз.
Ҳазрат Оятуллоҳ Саййид Али Ҳусайний Хоманийнинг фатволарига биноан, ушбу масаланинг ҳукми қуйидагича:
Қачонки бирорта аёл жинсий алоқадан кейин эрининг манийси унинг бачадонида бўла туриб, дарҳол ғусл олса ва ғуслдан кейин маний бачадонидан оқиб тушса, аёлнинг олган ғусли саҳиҳ ва тўғридир. Лекин ғуслдан кейин чиққан сперма нажас бўлиб, (кийимни ювиб покламоқ зарур) агарчи ўша оқиб тушган суюқлик эркакнинг манийси бўлса-да, аёлнинг қайтадан жунуб бўлишига сабаб бўлмайди.
Манба:
https://farsi.khamenei.ir/news-content?id=26775
[Аёл кишининг акси ўлароқ,] бирор эркак ундан маний чиққандан сўнг ғусл қилса ва ғуслдан кейин ундан бир суюқлик чиқса, у ўша суюқликнинг маний ёки бошқа нарса эканлигини билмаса, у ҳолда ғуслдан олдин ва маний чиққанидан кейин сийдик қилмаган бўлса, ўша суюқлик маний ҳукмида бўлиб, қайтадан ғусл қилиши лозим. [Лекин ғуслдан олдин сийдик қилган бўлса, у ҳолда ғуслдан кейин чиққан суюқлик маний бўлмай, қайтадан ғусл қилмайди.]
Манба:
https://farsi.khamenei.ir/news-content?id=26775
Ушбу масала Ҳазрат Оятуллоҳ Макорим Шерозийдан қуйидагича сўралган:
Бачадон ичидаги эркак манийсининг эякуляциядан кейинги вагинал суюқлиги жанобат ғуслидан кейин аёл танасидан чиқса, покми ёки пок эмасми?
Ҳазрат Оятуллоҳ Макорим Шерозийнинг жавоб тариқасида берган фатволари қуйидагича:
Агар аёлнинг бачадонидан чиққан суюқлик эркакнинг манийси билан аралашганига ишончи комил бўлса, ўша суюқлик нажас бўлиб, фақат суюқлик оқиб тушган жойнинг ўзини поклаш кифоядир.
Манба:
https://makarem.ir/main.aspx?typeinfo=21&lid=0&catid=44737&mid=254868
Оятуллоҳ Макорим Шерозий, «Тавзийҳул масоил», 31-бет, 79-масала.
Демак, юқоридаги Оятуллоҳ Макорим Шерозийнинг фатволарига биноан, жанобат ғуслидан кейин аёлнинг жинсий аъзосидан тушган суюқлик учун қайтадан жанобат ғусли олинмайди.
Энди «аёл эри билан оргазм ҳолатига тушсагина жунуб бўлади, сперма аёл кишига текканда эмас», деган масалани ўрганиб чиқиш учун мужтаҳидларимизнинг фатволарини кўздан кечирамиз:
Ҳазрат Оятуллоҳ Саййид Али Ҳусайний Хоманийнинг фатволари бу борада қуйидагича:
Эркакнинг жинсий аъзоси ҳашафа миқдорида, яъни таносил аъзосининг бош қисми аёлнинг жинсий аъзосига кириши биланоқ, агарчи маний эркакдан чиқмаса-да ва аёл жинсий лаззатнинг юқори даражасига (оргазм ҳолатига) етмаса ҳам, ғусл қилиш эркак ва аёлга фарз бўлади.
Манба:
https://farsi.khamenei.ir/news-content?id=26775
Ҳазрат Оятуллоҳ Саййид Али Ҳусайний Систонийнинг фатволари бу борада қуйидагича:
Агар эркак киши аёл билан яқинлик қилса ва унинг таносил аъзосининг суннат қилинган миқдорича, яъни бош қисми ёки ундан кўпроғи аёлнинг жинсий аъзосига кирса, хоҳ олдин томонга бўлсин ёки орқага, хоҳ улар балоғатга етган бўлсинлар ёки балоғатга етмаган бўлсинлар, агарда маний эркакдан чиқмаса ҳам, ҳар иккаласи жунуб бўлади. (348-масала)
Манба:
https://www.sistani.org/persian/book/50/13/
Ҳазрат Оятуллоҳ Макорим Шерозийнинг фатволари бу борада қуйидагича:
Агар бирор киши жинсий алоқада бўлиб, унинг таносил аъзосининг суннат қилинган миқдорича, яъни бош қисми ёки ундан кўпроғи аёлнинг жинсий аъзосига кирса, у ҳолда эркак ҳам, аёл ҳам жунуб бўлади, хоҳ улар балоғатга етган бўладими ёки балоғатга етмаган бўладими, эркакдан маний чиқадими ёки чиқмайдими, ҳеч фарқ қилмайди. Бу ҳолат жинсий алоқа олд томондан бўлса, шундай ҳумга эга (яъни эркак ва аёл жунуб бўлиб, ҳар иккаласига жанобат ғусли вожиб бўлади). Лекин агар жинсий алоқа орқа томондан бўлса, эҳтиёти вожибга кўра, ғусл билан вузуни биргаликда бажармоқлик лозим. (364-масала)
Манба:
https://www.makarem.ir/main.aspx?reader=1&lid=0&mid=2005&catid=6508&pid=61772
Бинобарин, фуқаҳо ва мужтаҳидларимизнинг юқоридаги фатволарига кўра, жинсий алоқанинг бошланиши биланоқ, эркак ҳам, аёл ҳам жунуб бўлиб, уларга жанобат ғусли вожиб бўлади, эркакдан маний чиқадими ёки чиқмайдими, аёл оргазм ҳолатига тушадими ёки тушмайдими, фарқ қилмайди.
