Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
БИСМИЛЛАҲИР РОҲМАНИР РОҲИЙМ
Бу зиёратнома яқин ва узоқ масофадан ўқиладиган ўша машҳур Зиёрати Ошуро бўлиб, Шайх Абу Жаъфар Тусий «Мисбоҳ» унвонли китобида бу зиёратноманинг тавсифи ҳақида шундай дейди:
Муҳаммад ибн Исмоил ибн Базийъ Солиҳ ибн Ақабадан ва у отасидан ва отаси эса бешинчи пешвоимиз Имом Муҳаммад Боқир (алайҳис салом)дан ривоят қилади:
Имом Муҳаммад Боқир (алайҳис салом) шундай марҳамат қилдилар:
«Кимда-ким Муҳаррам ойининг ўнинчи кунида Ҳусейн ибн Алини ул ҳазратнинг қабри ёнида зиёрат қилиб кўз ёш тўкса, Қиёмат кунида икки минг ҳаж, икки минг умра ва икки минг жиҳод қилганлик мукофотига тенг келадиган мукофотга эга бўлган ҳолда Аллоҳ таоло билан учрашади. Бу амалларнинг савоби Расулуллоҳ (саллаллоҳу алайҳи ва олиҳи васаллам) ҳузурларида жиҳод қилган кишининг савоби каби бўлур».
Шунда ровий [ривоят қилувчи]: Фидоингиз бўлай, Карбалодан узоқ шаҳарларда яшовчи ва бундай кунда унинг учун ул ҳазратнинг қабри ёнига бориш имкони бўлмаган кишига қандай савоб бор? деб сўради.
Ул ҳазрат унга жавобан дедилар:
«Қачонки шундай вазиятда бўлса, у ҳолда саҳрога чиқсин ёки уйининг баланд томига чиқиб Имом Ҳусайн (алайҳис салом)га салом бериш билан ул зот томон ишора қилсин ва ул ҳазратнинг қотилларини лаънатлашга киришсин ва ундан кейин икки ракъат намоз ўқисин. У бу ишни куннинг аввалида, қуёш тик кўтарилишидан олдин бажарсин. Сўнгра Имом Ҳусайн (алайҳис салом)га нола қилиб йиғласин ва уйидагиларни ҳам агар-ки улардан тақия қилмайдиган бўлса, ул ҳазратга кўз ёш тўкиб йиғлашга буюрсин ва ўз уйида Имом Ҳусайн (алайҳис салом)га оҳу нола қилиб мотам тутиш билан аза сақласин ва бир-бирларига Имом Ҳусайн (алайҳис салом) мусибатлари сабабли таъзия билдирсинлар. Ва мен улар учун ўша ажр-мукофотларнинг ҳаммасини Аллоҳ таоло наздида кафил бўлгайман, қачонки улар бу амални бажарсалар».
Мен [Ровий] дедим: Фидоингиз бўлай, Сиз уларга бу ажр-мукофотларнинг кафолатини бўйнингизга олиб кафил бўласизми? Шунда ул ҳазрат: «Ҳа, мен бу амални бажарган киши учун кафил бўлгайман», – деб марҳамат қилдилар.
Мен: Ўша куни улар қандай қилиб бир-бирларига таъзия билдирсинлар? деб сўрадим. Ул ҳазрат дедилар:
«Улар шундай десинлар:
«أَعْظَمَ اللّٰهُ أُجُورَنَا بِمُصَابِنَا بِالْحُسَيْنِ عَلَيْهِ السَّلَامُ، وَجَعَلَنَا وَإِيَّاكُمْ مِنَ الطَّالِبِينَ بِثَأْرِهِ مَعَ وَلِيِّهِ الْإِمَامِ الْمَهْدِيِّ مِنْ آلِ مُحَمَّدٍ عَلَيْهِمُ السَّلاٰمُ».
«Аллоҳ бизнинг ажр-мукофотларимизни Имом Ҳусайн (алайҳис салом)га бўлган мусибатимиз ила буюк қилсин ва бизни ҳам, сизни ҳам Муҳаммад (саллаллоҳу алайҳи ва олиҳи васаллам) хонадонидан бўлган Аллоҳнинг Валийси бўлмиш Имом Маҳдий (а.ж) билан бирга ул ҳазрат қонини талаб қилувчилардан айласин».
Агар ўша куни бирор ҳожат ёки иш кетидан кетишдан воз кеча олсангиз, албатта, шундай қилинг. Зероки, ўша кун мўъминнинг эҳтиёжи раво бўлмайдиган ёмон кундир ва агарда унинг ҳожати раво бўлса ҳам, у учун муборак ва хайрли бўлмагай, унда бирор яхшилик ва оқибатни кўрмагайдир. Ўша куни ҳеч бирингиз уйига бирор нарса олиб келиб сақлаб қўймасин, негаки ким ўша куни бирор нарсани захира қилиб қўйса, ўша нарсада хайру барака кўрмайди. Ўзи ва аҳли оиласи учун сақлаб қўйган нарса хайру баракотли бўлмагай.
Қачонки бу амални бажарсалар, Аллоҳ таоло улар учун минг ҳаж, минг умра ва минг маротаба жиҳод қилганлик ажр-мукофотини ёзади, гўё бу амалларнинг барчасини Расулуллоҳнинг (саллаллоҳу алайҳи ва олиҳи васаллам) билан бирга бажарганидек. Аллоҳ таоло дунёни яратган замондан бошлаб то қиёмат куни барпо бўлгунга қадар ўлган ёки ўлдирилган ҳар бир пайғамбар, расул, васий, сиддиқ (ўта ростгўй) ва шаҳидларнинг мусибатида бериладиган ажр-мукофот унинг учун бўлур.
Солиҳ ибн Уқба ва Сайф ибн Умайра айтадилар: Алқама ибн Муҳаммад ал-Ҳазрамий айтади: Мен Имом Боқир (алайҳис салом)га: «Менга бу кунда, яъни Ошуро кунида ўқийдиган дуони ўргатинг. Қачонки ул ҳазратни яқиндан зиёрат қилсам ўша дуони ўқий олай. Қачонки ул ҳазратни яқиндан зиёрат қилолмасам, салом бериш билан ул ҳазрат томонга уйимдан узоқда бўлган шаҳарлардан туриб ишора қилиб ўқийдиган дуони менга ўргатинг», – дедим.
Имом Боқир (алайҳис салом) менга шундай дедилар:
«Эй Алқама, қачонки ўша икки ракъат намозни адо этсанг, ул ҳазрат томонга салом бериш билан ишора қилгин ва ул ҳазратга ишора қилган вақтда «Такбир» айтгач, ушбу сўзни айтгин [бир неча сатрдан сўнг келтириладиган зиёрат]
Қачонки, ушбу сўзни айтсанг, фаришталардан иборат ул ҳазратнинг зиёратчилари қилган дуо ила дуо қилган бўлурсан ва Аллоҳ таоло сен учун юз минг минг даража ёзади ва Имом Ҳусайн (алайҳис салом) билан бирга шаҳид бўлган киши каби бўлурсан ҳамда уларнинг даражаларида уларга шерик бўлурсан, фақат Имом Ҳусайн (алайҳис салом) билан бирга шаҳид бўлган шаҳидлар сафидагина танилурсан, ҳар бир пайғамбар ва расулнинг зиёрати ҳамда Имом Ҳусайн (алайҳис салом) шаҳид бўлган кунидан бошлаб ул ҳазратни зиёрат қилган ҳар бир кишининг зиёрат савоби сен учун ёзилади. Аллоҳнинг салому дуруди Имом Ҳусайн (алайҳис салом)га ва ул ҳазратнинг хонадонига бўлсин.
Ул ҳазратнинг зиёратида шундай айтасан»:
-*أَلسَّلامُ عَلَيْكَ يا أَباعَبْدِاللَّهِ أَلسَّلامُ عَلَيْكَ يَابْنَ رَسُولِ اللَّهِ أَلسَّلامُ عَلَيْكَ يا خِيَرَةَ اللَّهِ وَ ابْنَ خِيَرَتِهِ أَلسَّلامُ عَلَيْكَ يَابْنَ أَميرِالْمُؤْمِنينَ وَ ابْنَ سَيِّدِ الْوَصِيّينَ
Салом бўлсин сизга эй Або Абдуллоҳ! Салом бўлсин сизга эй Расулуллоҳнинг фарзанди! Салом бўлсин сизга эй Аллоҳнинг танлагани ва танлаган бандасининг фарзанди! Салом бўлсин сизга эй Амирал мўъминин Алининг фарзанди ва ворислар сарварининг фарзанди!
-* أَلسَّلامُ عَلَيْكَ يَابْنَ فاطِمَةَ سَيِّدَةِ نِسآءِ الْعالَمينَ أَلسَّلامُ عَلَيْكَ يا ثارَ اللَّهِ وَ ابْنَ ثارِهِ وَ الْوِتْرَ الْمَوْتُورَ
Салом бўлсин сизга эй оламлар аёлларининг сарвари бўлган Фотима (саломуллоҳи алайҳо) фарзанди! Салом бўлсин сизга эй Аллоҳ таоло унинг қонини истаган зот ва унинг қонини истаганнинг ўғли ва эй ёлғиз ҳолда қолдирилиб, қони тўкилган зот!
-* أَلسَّلامُ عَلَيْكَ وَعَلَي الْأَرْواحِ الَّتي حَلَّتْ بِفِنآئِكَ عَلَيْكُمْ مِنِّي جَمِيعاً سَلامُ اللَّهِ أَبَداً ما بَقيتُ وَ بَقِي اللَّيْلُ وَالنَّهارُ
Салом бўлсин сизга ва сизнинг остонангизга дохил бўлган ўша руҳлар (вафодор ёронлар)га, ҳар доим кеча ва кундуз бўлар экан ва мен бор эканман, Аллоҳнинг саломи мендан сизларнинг ҳаммаларингизга бўлсин!
-* يا أَباعَبْدِاللَّهِ لَقَدْ عَظُمَتِ الرَّزِيَّةُ وَجَلَّتْ وَعَظُمَتِ الْمُصِيبَةُ بِكَ عَلَيْنَا وَعَلَيٰ جَمِيعِ أَهْلِ الْإِسْلَامِ
Эй Або Абдуллоҳ! Ҳақиқатан ҳам сизнинг мотамингиз ва мусибатингиз бизга ва бутун ислом оламига жуда ҳам қийин ва оғир келди.
-* وَجَلَّتْ وَعَظُمَتْ مُصِيبَتُكَ فِي السَّمَوَاتِ عَلَيٰ جَمِيعِ أَهْلِ السَّمَوَاتِ فَلَعَنَ اللَّهُ أُمَّةً أَسَّسَتْ أَسَاسَ الظُّلْمِ وَالْجَوْرِ عَلَيْكُمْ أَهْلَ الْبَيْتِ
Ва сизнинг мусибатингиз самоларда бутун самолар аҳлига қийин ва оғир келди. Демак, сиз Расулуллоҳ Аҳли байтларига зулму ситам қилишга асос солган ўша тоифани Аллоҳ лаънатласин.
-* وَلَعَنَ اللَّهُ أُمَّةً دَفَعَتْكُمْ عَنْ مَقَامِكُمْ وَ أَزالَتْكُمْ عَنْ مَراتِبِكُمُ الَّتي رَتَّبَكُمُ اللَّهُ فِيهَا
Ва сизга хос бўлган мақомингиздан сизларни четга сурган ва Аллоҳ сизларга ато этган мартабангиздан сизларни йироқлаштирган тоифани Аллоҳ лаънат қилсин.
-* وَلَعَنَ اللَّهُ أُمَّةً قَتَلَتْكُمْ وَلَعَنَ اللَّهُ الْمُمَهِّدِينَ لَهُمْ بِالتَّمْكِينِ مِنْ قِتَالِكُمْ
Ҳамда сизни қатл этган ўша тоифани Аллоҳ лаънат қилсин, сизни қатл этишда қотилларга замин яратган кимсаларни ҳам Аллоҳ ўз раҳматидан йироқ қилсин.
-* بَرِئْتُ إِلَي اللَّهِ وَ إِلَيْكُمْ مِنْهُمْ وَمِنْ أَشْياعِهِمْ وَأَتْباعِهِمْ وَأَوْلِيآئِهِمْ
Улар ва улар тарафдоридан, уларнинг йўлидан борувчиларга ва уларнинг дустларидан Аллоҳнинг ҳузурига ва сизнинг ҳузурингизга безор эканимни билдираман.
-* يا أَباعَبْدِ اللَّهِ إِنِّي سِلْمٌ لِمَنْ سَالَمَكُمْ وَ حَرْبٌ لِمَنْ حَارَبَكُمْ إِلَيٰ يَوْمِ الْقِيَامَةِ
Эй Або Абдуллоҳ! Мен сиз-ла тинч ва сулҳда бўлганлар билан тинч ва сулҳдаман, лекин кимки сиз-ла душман ва жанг ҳолда бўлса, мен ҳам қиёматга қадар у билан душман ва жанг ҳолдадирман.
-* وَلَعَنَ اللَّهُ آلَ زِيادٍ وَآلَ مَرْوَانَ وَلَعَنَ اللَّهُ بَنِي أُمَيَّةَ قاطِبَةً وَلَعَنَ اللَّهُ ابْنَ مَرْجَانَةَ
Ва Аллоҳнинг лаънати бўлсин Зиёд хонадонига ва Марвон хонадонига ва Аллоҳнинг лаънати бўлсин бани Умайянинг ҳаммасига ва шунингдек, Аллоҳнинг лаънати бўлсин Маржона фарзанди (ибн Зиёд)га.
-* وَلَعَنَ اللَّهُ عُمَرَ بْنَ سَعْدٍ وَلَعَنَ اللَّهُ شِمْراً وَلَعَنَ اللَّهُ أُمَّةً أَسْرَجَتْ وَأَلْجَمَتْ وَتَنَقَّبَتْ لِقِتَالِكَ
Аллоҳнинг лаънати бўлсин Умар бин Саъдга ва Аллоҳнинг лаънати бўлсин Шимрга ва сизга қарши урушиш учун отларни эгарлаган, жиловлаган ва уларни чопдирган тоифани Аллоҳ ўз раҳматидан узоқлаштирсин.
-* بِأَبي أَنْتَ وَأُمِّي لَقَدْ عَظُمَ مُصَابِي بِكَ
Ота-онам сизга фидо! Ҳақиқатан ҳам сизнинг мусибатингиз мен учун жуда ҳам оғир ва юксак бўлди.
-* فَأَسْئَلُ اللَّهَ الَّذِي أَکْرَمَ مَقَامَكَ وَأَکْرَمَنِي بِكَ أَنْ يَرْزُقَنِي طَلَبَ ثَارِكَ مَعَ إِمَامٍ مَنْصُورٍ مِنْ أَهْلِ بَيْتِ مُحَمَّدٍ صَلَّي اللَّهُ عَلَيْهِ وَآلِهِ
Демак, мен сизнинг мақомингизни улуғлаган ва мени сиз орқали улуғлаган Аллоҳдан, Муҳаммад са пайҳамбаримизнинг Аҳли-байтларидан бўлган (Аллоҳ томонидан) мададланган имом (Маҳдий) билан бирга сизнинг ўчингизни олишни менга насиб этишини сўрайман.
-* أَللّٰهُمَّ اجْعَلْنِي عِنْدَكَ وَجِيهاً بِالْحُسَيْنِ عَلَيْهِ السَّلَامُ فِي الدُّنْيَا وَالْآخِرَةِ
Эй Аллоҳим! Мени имом Ҳусайн (алайҳис салом) орқали бу дунё ва охиратда ўз даргоҳингда обрўли қилгин.
-* يا أَبَاعَبْدِ اللَّهِ إِنِّي أَتَقَرَّبُ إِلَيٰ اللَّهِ وَإِلَيٰ رَسُولِهِ وَ إِلَيٰ أَمِيرِالْمُؤْمِنِينَ وَإِلَيٰ فَاطِمَةَ وَ إِلَيٰ الْحَسَنِ وَإِلَيْكَ بِمُوَالَاتِكَ وَبِالْبَرآئَةِ مِمَّنْ قَاتَلَكَ وَنَصَبَ لَكَ الْحَرْبَ وَبِالْبَرآئَةِ مِمَّنْ أَسَّسَ أَسَاسَ الظُّلْمِ وَالْجَوْرِ عَلَيْكُمْ
Эй Або Абдуллоҳ! Шубҳасиз, мен сизни дўст тутиш билан ва сизга қарши урушиб, сизга қарши урушни барпо этган кимсалардан безорлик билдириш билан ҳамда сизларга нисбатан зулм ва ситам қилишга асос солган кимсалардан безорлик билдириш билан Аллоҳга, унинг Расулига, Амирал мўминин Алига, Фотима (саломуллоҳи алайҳо)га, имом Ҳасанга ва сизга яқинлашаман.
-* وَأَبْرَءُ إِلَيٰ اللَّهِ وَإِلَيٰ رَسُولِهِ مِمَّنْ أَسَسَّ أَسَاسَ ذَلِكَ وَبَنَيٰ عَلَيْهِ بُنْيَانَهُ وَجَرَيٰ فِي ظُلْمِهِ وَجَوْرِهِ عَلَيْكُمْ وَعَلَيٰ أَشْيَاعِكُمْ
Ва бу ишга асос солиб, шу асосда пойдевор яратиб, сизларга ва издошларингизга зулму ситам қилишда давом этган кимсалардан Аллоҳ ва Унинг Расули ҳузурига безорлик билдираман.
-* بَرِئْتُ إِلَيٰ اللَّهِ وَإِلَيْكُمْ مِنْهُمْ وَأَتَقَرَّبُ إِلَيٰ اللَّهِ ثُمَّ إِلَيْكُمْ بِمُوَالَاتِكُمْ وَمُوَالَاةِ وَلِيِّكُمْ وَبِالْبَرآئَةِ مِنْ أَعْدَآئِكُمْ وَالنَّاصِبِينَ لَكُمُ الْحَرْبَ وَبِالْبَرَآئَةِ مِنْ أَشْيَاعِهِمْ وَأَتْبَاعِهِمْ
Мен улардан Аллоҳ ҳузурига ва сизга безорлик билдираман ва Аллоҳга сўнгра сизга сизни дўст тутиш ва дўстларингизни дўст тутиш билан ҳамда душманларингиздан ва сизларга қарши уруш барпо этувчилардан безорлик билдириш билан ҳамда уларнинг тарафдорлари ва издошларидан безорлик изҳор этиш билан яқинлашаман.
-* إِنِّي سِلْمٌ لِمَنْ سَالَمَكُمْ وَحَرْبٌ لِمَنْ حَارَبَكُمْ وَ وَلِيٌّ لِمَنْ وَالَاکُمْ وَعَدُوٌّ لِمَنْ عَادَاکُمْ
Албатта мен сиз билан тинч ва сулҳда бўлганлар билан тинч ва сулҳдаман ва сиз билан жанг ва душман ҳолда бўлган кимсаларга нисбатан жанг ҳолдаман ҳамда сизни дўст тутганлар билан дўстман ва сизга душманлик ва адоват қиладиганлар билан душманман.
-* فَأَسْئَلُ اللَّهَ الَّذِي أَکْرَمَنِي بِمَعْرِفَتِكُمْ وَمَعْرِفَةِ أَوْلِيآئِكُمْ وَرَزَقَنِي الْبَرَآئَةَ مِنْ أَعْدَآئِكُمْ أَنْ يَجْعَلَنِي مَعَكُمْ فِي الدُّنْيَا وَالْآخِرَةِ وَأَنْ يُثَبِّتَ لِي عِنْدَکُمْ قَدَمَ صِدْقٍ فِي الدُّنْيَا وَ الْآخِرَةِ
Демак, сизларни танишим ва дўстларингизни танишим билан мени улуғлаган ҳамда душманларингиздан безорлик билдиришни менга насиб этган Аллоҳ таолодан мени дунё ва охиратда сизлар билан бирга қилишини ва сизларнинг ҳузурингизда дунё ва охиратда ростгўйлик қадами (собит қадамлик)ни мен учун мустаҳкам этишини сўрайман.
-* وَأَسْئَلُهُ أَنْ يُبَلِّغَنِي الْمَقَامَ الْمَحْمُودَ لَكُمْ عِنْدَ اللَّهِ وَأَنْ يَرْزُقَنِي طَلَبَ ثَارِي مَعَ إِمَامٍ هُدًي ظَاهِرٍ نَاطِقٍ (بِالْحَقِّ) مِنْكُمْ
Ундан (Аллоҳдан) мени Аллоҳнинг ҳузурида сизлар учун мақталган мақомга етказишни ҳамда сизлардан (Аҳли-Байтдан) бўлган ҳидоят этувчи ошкор (ва ҳақ-ла) сўзловчи имом (Маҳдий) билан интиқомингизни олишни менга насиб этишини сўрайман.
-* وَأَسْئَلُ اللَّهَ بِحَقِّكُمْ وَبِالشَّأْنِ الَّذِي لَكُمْ عِنْدَهُ أَنْ يُعْطِيَنِي بِمُصَابِي بِكُمْ أَفْضَلَ مَا يُعْطِي مُصَاباً بِمُصِيبَتِهِ مُصِيبَةً مَا أَعْظَمَهُ
Ва Аллоҳдан сизларнинг ҳаққи ҳурматингизга ва Унинг ҳузурида сизлар учун бўлган мартабангиз ҳурматига сизлар сабабли дучор бўлган мусибатим билан бир мусибатга дучор бўлган инсонга кўрган мусибати сабабли, Аллоҳ тарафдан бериладиган энг юксак ажру-мукофотни менга ато этишини сурайман.
-* وَأَعْظَمَ رَزِيَّتَهَا فِي الْإِسْلَامِ وَفِي جَمِيعِ السَّمَوَاتِ وَالْأَرْضِ اللّٰهُمَّ اجْعَلْنِي فِي مَقَامِي هٰذَا مِمَّنْ تَنَالُهُ مِنْكَ صَلَوَاتٌ وَرَحْمَةٌ وَمَغْفِرَةٌ
Ҳақиқатан ҳам бу мусибат ислом оламида ва бутун осмонлар ва ерда нақадар буюк ва оғир эди. Эй Аллоҳим! Мени турган ушбу мақомимда Сенинг ҳузурингдан дуруд ва салавотлар, раҳмат ва мағфират етадиган кишилардан қилгин.
-* أَللّٰهُمَّ اجْعَلْ مَحْيَاي مَحْيَا مُحَمَّدٍ وَآلِ مُحَمَّدٍ وَمَمَاتِي مَمَاتَ مُحَمَّدٍ وَآلِ مُحَمَّدٍ
Эй Аллоҳим! Менинг ҳаётимни айнан Муҳаммад ва Оли Муҳаммад (саллаллоҳу алайҳи ва олиҳи васаллам)нинг ҳаёти қилгин ва ўлимимни ҳам айнан Муҳаммад ва Оли Муҳаммад (саллаллоҳу алайҳи ва олиҳи васаллам)нинг ўлими қилгин.
-* أَللّٰهُمَّ إِنَّ هٰذَا يَوْمٌ تَبرَّکَتْ بِهِ بَنُو أُمَيَّةَ وَابْنُ آکِلَةِ الْأَکْبَادِ اللَّعِينُ ابْنُ اللَّعِينِ عَلَيٰ لِسَانِكَ وَلِسَانِ نَبِيِّكَ صَلَّي اللَّهُ عَلَيْهِ وَآلِهِ في کُلِّ مَوْطِنٍ وَمَوْقِفٍ وَقَفَ فيهِ نَبِيُّكَ صَلَّي اللَّهُ عَلَيْهِ وَآلِهِ
Эй Аллоҳим! Шубҳасиз, бу кунни (ошуро кунини) бани Умайя ва Ҳинд жигархўр (жигарларни егувчи)нинг ўғли (Муовия) муборак деб билган кундир. Улар Сенинг тилингда ва Пайғамбаринг (Аллоҳнинг дуруди саловоти унга ва унинг хонадонига бўлсин) тилида, Пайғамбаринг турган ҳар бир макон ва жойда лаънатланган ва лаънатланганнинг ўғлидир.
-* أَللّٰهُمَّ الْعَنْ أَبَاسُفْيَانَ وَمُعَاوِيَةَ وَيَزِيدَ بْنَ مُعَاوِيَةَ عَلَيْهِمْ مِنْكَ اللَّعْنَةُ أَبَدَ الْآبِدِينَ
Эй Аллоҳим! Абу Суфённи, Муовияни ва Муовияни ўғли Язидни лаънатлагин, ҳар доим сен томондан уларга лаънат бўлсин.
-* وَهٰذَا يَوْمٌ فَرِحَتْ بِهِ آلُ زِيادٍ وَآلُ مَرْوَانَ بِقَتْلِهِمُ الْحُسَيْنَ صَلَوَاتُ اللَّهِ عَلَيْهِ
Бу кун Зиёд хонадони ва Марвон хонадонининг ҳазрати имом Ҳусайн (Аллоҳнинг саловоту дуруди унга бўлсин)ни қатл этишлари билан қувонган кунидир.
-* أَللّٰهُمَّ فَضَاعِفْ عَلَيْهِمُ اللَّعْنَ مِنْكَ وَالْعَذابَ (الْأَلِيمَ)
Эй Аллоҳим! Ўз тарафингдан бўлган лаънатингни ва дардли азобни уларга бир неча баробар орттир.
-* أَللّٰهُمَّ إِنِّي أَتَقَرَّبُ إِلَيْكَ فِي هٰذَا الْيَوْمِ وَفِي مَوْقِفِي هٰذَا وَأَيَّامِ حَيَاتِي بِالْبَرآئَةِ مِنْهُمْ وَاللَّعْنَةِ عَلَيْهِمْ وَبِالْمُوَالَاتِ لِنَبِيِّكَ وَآلِ نَبِيِّكَ عَلَيْهِ وَعَلَيْهِمُ أَلسَّلَامُ
Эй Аллоҳим! Шубҳасиз, мен бу кунда (ошуро кунида) ва турган ўрнимда ва бутун ҳаётим кунлари давомида улардан (қотиллардан) безорлик билдириш ва уларга лаънат айтиш билан ҳамда Пайғамбаринг ва Пайғамбаринг хонадонини (уларга салому дурудлар бўлсин) дўст тутиш билан сенга яқинлашаман.
“Демак, юз марта айтилади”
-* أَللّٰهُمَّ الْعَنْ أَوَّلَ ظَالِمٍ ظَلَمَ حَقَّ مُحَمَّدٍ وَآلِ مُحَمَّدٍ وَآخِرَ تَابِعٍ لَهُ عَلَيٰ ذٰلِكَ
Эй Аллоҳим! Муҳаммад ва Муҳаммад (саллаллоҳу алайҳи ва олиҳи васаллам)нинг хонадони ҳаққини тортиб олиб зулм қилган энг биринчи кишини ҳамда зулму ситам қилишда унинг изидан борган охирги кишини ҳам Ўз раҳматингдан йироқ қилгин.
-* أَللّهُمَّ الْعَنِ الْعِصَابَةَ الَّتِي جَاهَدَتِ الْحُسَيْنَ وَشَايَعَتْ وَبَايَعَتْ وَتَابَعَتْ عَلَيٰ قَتْلِهِ أَللّٰهُمَّ الْعَنْهُمْ جَمِيعًا
Эй Аллоҳим! Ҳусайнга қарши урушган, уни қатл этиш учун ҳамроҳлик қилган, байъат-қасамёд қилган ва бу ишда бир-бирига эргашган тоифани лаънатлагин. Эй Аллоҳим! Уларнинг ҳаммасини Ўз раҳматингдан узоқ қилгин.
“Демак, юз марта айтилади”
-* أَلسَّلَامُ عَلَيْكَ يَا أَبَاعَبْدِ اللَّهِ وَعَلَي الْأَرْوَاحِ الَّتِي حَلَّتْ بِفِنَآئِكَ عَلَيْكَ مِنِّي سَلَامُ اللَّهِ (أَبَدًا) مَا بَقِيتُ وَ بَقِي اللَّيْلُ وَالنَّهارُ وَلَاجَعَلَهُ اللَّهُ آخِرَ الْعَهْدِ مِنِّي لِزِيارَتِكُمْ
Салом бўлсин сизга эй Або Абдуллоҳ ва сизнинг остонангизга кириб келган руҳларга (сизнинг йўлингизда жон фидо қилган вафодор ёронларга ва тарих бўйлаб сизнинг йўлингизни тутиб жон фидо қилган шаҳидларга)! Мендан сизга доимо Аллоҳнинг саломи бўлсин, модомики, тирик эканман ва кечаю кундуз бор экан. Ва Аллоҳ таоло бу зиёратимни сизни охирги мартаба зиёрат қилишим этмасин.
-* أَلسَّلامُ عَلَيٰ الْحُسَيْنِ وَعَلَيٰ عَلِيِّ بْنِ الْحُسَيْنِ وَعَلَيٰ أَوْلَادِ الْحُسَيْنِ وَعَلَيٰ أَصْحَابِ الْحُسَيْنِ
Салом бўлсин Ҳусайнга ва Ҳусайн ўғли Алига ва Ҳусайн фарзандларига ва Ҳусайн ёронларига.
Сўнгра айтилади:
-* أَللّٰهُمَّ خُصَّ أَنْتَ أَوَّلَ ظَالِمٍ بِاللَّعْنِ مِنِّي وَ ابْدَاءْ بِهِ أَوَّلًا ثُمَّ الثَّانِي وَالثَّالِثَ وَالرَّابِعَ
Эй Аллоҳим! Сен энг биринчи золимни мен тарафдан бўлган махсус лаънатга дучор этгин ва биринчисини, сўнгра иккинчисини ва учинчисини ва тўртинчисини ўша лаънат билан бошлагин.
-* أَللّٰهُمَّ الْعَنْ يَزِيدَ خَامِسًا وَالْعَنْ عُبَيْدَ اللَّهِ بْنَ زِيَادٍ وَابْنَ مَرْجَانَةَ وَعُمَرَ بْنَ سَعْدٍ وَشِمْراً وَآلَ أَبِي سُفْيَانَ وَآلَ زِيَادٍ وَآلَ مَرْوَانَ إِلَيٰ يَوْمِ الْقِيَامَةِ
Эй Аллоҳим! Язидни бешинчи ўринда лаънатлагин ва Убайдуллоҳ ибн Зиёдни ва Ибн Маржонани ва Умар бин Саъдни ва Шимирни ва Абу Суфён хонадонини ва Марвон хонадонини қиёмат кунига қадар лаънатлагин.
Сўнгра саждага борган ҳолда айтилади:
-* أَللّٰهُمَّ لَكَ الْحَمْدُ حَمْدَ الشَّاکِرِينَ لَكَ عَلَي مُصَابِهِمُ الْحَمْدُ لِلَّهِ عَلَيٰ عَظِيمِ رَزِيَّتِي
Эй Аллоҳим! Сенга шукр қилувчиларнинг ҳамду сано айтиши уларга ёғилган мусибат сабабли сенга хос бўлган ҳамду санодир, бу мусибатимнинг улканлиги юзасидан барча ҳамду санолар Аллоҳгагина хосдир.
أَللّٰهُمَّ ارْزُقْنِي شَفَاعَةَ الْحُسَيْنِ يَوْمَ الْوُرُودِ وَثَبِّتْ لِي قَدَمَ صِدْقٍ عِنْدَكَ مَعَ الْحُسَيْنِ وَأَصْحَابِ الْحُسَيْنِ الَّذِينَ بَذَلُوا مُهَجَهُمْ دُونَ الْحُسَيْنِ عَلَيْهِ السَّلَامُ
Эй Аллоҳим! (Қиёмат куни Маҳшарга) кириб келиш кунида Ҳусайн (алайҳис салом) шафоатини менга насиб эт ва Ўз ҳузурингда имом Ҳусайн (алайҳис салом) ва имом Ҳусайн (алайҳис салом) йўлида юрак қонини фидо қилган имом Ҳусайн ёронлари билан бирга мени содиқона собит қадам қилгин.
