БИСМИЛЛОҲИР РАҲМОНИР РАҲИМ
- Савол: Фиръаун, Намруд ва шу каби золимларнинг ёки шайтоннинг номи Қуръонда келган бўлса, унга таҳоратсиз тегса бўладими?
Жавоб: Қуръон ёзувларига таҳоратсиз тегиш жойиз эмас, агарчи Фиръаун, Намруд ва Шайтон сўзлари бўлса-да.
- Савол: Аёллар эркакларнинг олдида овозлари билан қироат қилишлари қандай ҳукмга эга?
Жавоб: Агарда аёлларнинг овозлари эркакларга бошқа бир ҳолат берадиган бўлса, яъни уларда аёлларга мойиллик туғдирадиган бўлса, у ҳолда жойиз эмас.
- Савол: Агар тажвидда ихфо қилинишнинг ҳукми қандай?
Жавоб: Агарда калиманинг ўзгаршига сабаб бўлмаса, жойиздир.
- Савол: Қуръондаги қайси суранинг сўзлари сони Қуръон сураларининг сонига тенг?
Жавоб: Таквир сураси.
- Савол: Қуръондаги қайси сура «Қуръоннинг юраги»га машҳур?
Жавоб: Ёсин сураси.
- Савол: Қуръондаги қайси сура Аллоҳнинг насабига машҳур?
Жавоб: Ихлос сураси.
- Савол: Қайси сураларда сажда оятини ўқиганда сажда қилиш вожиб бўлади?
Жавоб: Тўртта сурада сажда оятини ўқиганда сажда қилиш вожиб бўлади. Улар Сажда, Фуссилат, Нажм, Аълақ сураларидир.
- Савол: Қуръондаги қайси сура Имом Ҳусайн (алайҳис салом) номига машҳур?
Жавоб: Фажр сураси.
- Савол: Қайси сура«Алҳамдулиллааҳ» билан бошланган?
Жавоб: Бешта сура, улар Ҳамд, Анъом, Каҳф, Сабаъ ва Фотир сураларидан иборат.
- Савол: Қайси суранинг 10 та номи бор?
Жавоб: Ҳамд сураси.
- Савол: Қайси инсон биринчи бўлиб тажвидни таҳрир қилган?
Жавоб: Абу Убайд Қосим ибн Салом.
- Савол: Қайси инсон биринчи бўлиб Қуръони Каримни хорижий тилга таржима қилган?
Жавоб: Салмон Форсий.
- Савол: Қайси инсон биринчи бўлиб Қуръонга нуқта ва эъроб белгиларини қўйган?
Жавоб: Абул Асвад Дувалий.
- Савол: Қуръоннинг қайси сураси ва оятида 6 маротаба «Аллоҳ» калимаси такрорланган?
Жавоб: Бақара сурасининг 283-оятида.
- Савол: Қуръоннинг қайси оятида таҳорат олиш тартиби айнан баён қилинган?
Жавоб: Моида сурасининг 6-оятида.
- Савол: Қуръоннинг қайси оятида 5 вақт намоз ўқишга ишора қилинган?
Жавоб: Исро сурасининг 78-оятида.
- Савол: Қайси сурада وَرَتِّلِ الْقُرْآنَ تَرْتِيلًا ибораси айнан келган?
Жавоб: Муззаммил сурасининг 3-оятида.
- Савол: Қайси сурада Вилоят мавзусига ишора қилинган?
Жавоб: Нисо сураси
- Савол: Қайси суранинг оятлари араб алифбосининг «Ро» ҳарфи билан якун топган?
Жавоб: Кавсар сураси.
- Савол: Қуръоннинг қайси сураси Имом Али (алайҳис салом)нинг номларига мансубдир?
Жавоб: Одиёт сураси.
- Савол: Маданий суралар қанча муддатда нозил бўлган? (Мадина шаҳрида нозил бўлган сураларга Маданий суралар дейилади.)
Жавоб: 10 йил давомида.
- Савол: Қуръонда қайси аёллар мақталган?
Жавоб: Ҳазрат Марям ва Фиръавннинг аёли ҳазрат Осия.
- Савол: Қайси суранинг номи аёлларнинг номига қўйилган?
Жавоб: Нисо сураси. Чунки, араб тилида «Нисо» сўзининг маъноси «Аёллар» дегани.
- Савол: Қуръони Каримда қайси аёллар ёмон ва носолиҳ деб тилга олинган?
Жавоб: Ҳазрат Нуҳ пайғамбар ва ҳазрат Лут пайғамбарнинг аёллари.
- Савол: Қайси аёлга Қуръонда «Таййиба», яъни покиза деб ном бериланган?
Жавоб: Ҳазрат Марямга.
- Савол: Биринчи бўлиб қайси оят пайғамбаримизга нозил бўлган?
Жавоб: Алақ сурасининг 1, 2 ва 3-оятлари.
- Савол: Пайғамбаримизга охирги нозил бўлга оят қайсидир?
Жавоб: Моида сурасининг 3-ояти; Ғадийр Хум воқеасидан сўнг Ислом динининг комил бўлганлиги ҳақидаги оят.
- Савол: Қуръони Каримнинг охирги сурасининг қанча ояти ва қанча ҳарфи ва қанча калимаси бор?
Жавоб: 79-ҳарф, 20-калимаси, 6-ояти бор.
- Савол: Мадина шаҳридаги нозил бўлган охирги суранинг номи нима?
Жавоб: Моида сураси.
- Савол: Қайси сура бир пайтда ва бир маконда нозил бўлган?
Жавоб: Ихлос сураси.
- Савол: Макка шаҳрида нозил бўлган охирги суранинг номи нима?
Жавоб: Рум сураси.
- Савол: Ҳижоб ояти қайси сурада келтирилган?
Жавоб: Нур сурасининг 31-оятида.
- Савол: «Алҳамдулиллааҳир Роббил ааламийн» ояти қайси ва нечта сурада келган?
Жавоб: Олтита сурада келган. Улар Ҳамд, Соффот, Мўъминун, Зумар, Юнус, Анъом сураларидир.
- Савол: Қуръони Каримнинг қайси сурасида бешта егуликнинг номи зикр қилинган?
Жавоб: Бақара сурасининг 61 оятида бешта егуликнинг номи зикр этилган. Улар «сабзавот, бодринг, саримсоқ, мош, пиёз»дир.
- Савол: «Нурун Алаа Нур» қайси сура ва қайси оятда баён қилинган?
Жавоб: Нур сурасининг 35-оятида.
- Савол: Қайси оятда Аллоҳ таоло 8 маротаба Ўзи ҳақида айтган?
Жавоб: Бақара сурасининг 186-оятида.
- Савол: Қуръони Каримда нечта сажда қилиш вожиб бўлган суралар бор?
Жавоб: Қуръони Каримда сажда қилиш вожиб бўлган 4 сура бор. Улар Сажда, Фуссилат, Нажм, Аълақ сураларидир.
- Савол: Кўзни қайтарадиган﴾ وَإِن يَكَادُ الَّذِينَ كَفَرُوا… ﴿ ояти қайси сурада келган?
Жавоб: Қалам сурасининг охирги оятлари.
- Савол: Пайғамбаримизнинг муборак номлари неча маротаба Қуръони Каримда келган?
Жавоб: Ул ҳазратнинг муборак номлари беш маротаба Қуръонда келган. Бир маротаба «Аҳмад» номи ва тўрт маротаба «Муҳаммад» номи зикр этилган.
- Савол: Қайси пайғамбарнинг номи Қуръони Каримда жуда кўп зикр этилган?
Жавоб: Ҳазрат Мусо (алайҳис салом)
- Савол: Қайси сура «Аҳсанул Қасас», яъни қиссаларнинг энг яхшиси номи билан машҳур бўлган?
Жавоб: Ҳазрат Юсуф (алайҳис салом) сураси.
42 Савол: Пайғамбаримизнинг Меърожга чиққанлари қайси сурада айтилган?
Жавоб: Исро сурасида.
- Савол: Қайси аёлнинг номи Қуръонда келган?
Жавоб: Қуръони Каримда фақат бир аёлнинг номи зикр қилинган бўлиб, у ҳам эса ҳазрат Марямдир.
- Савол: Қайси сурани аёллар кўпроқ ўқишлари ривоят қилинган?
Жавоб: Нур сураси.
- Савол: Қайси сура Пайғамбаримиз қизлари ҳазрат Фотимаи Заҳро (с.а)нинг шаънларига нозил бўлган?
Жавоб: Кавсар сураси.
- Савол: Қуръони Каримда қайси суранинг номи [аёллар] номидадир?
Жавоб: Нисо номли сура. Зеро, Нисонинг маъноси аёллар дегани.
- Савол:Қуръоннинг нечта сураси ҳайвонлар номига қўйилган?
Жавоб: Бешта сура: Бақара [сигир], Наҳл [Асалари], Анкабут [ўргимчак], Намл [чумоли] ва Фил сураларидир.
- Савол: Макка шаҳрига филлар билан бостириб келган Абраҳанинг лашкарларига ҳужум қилган қушларнинг номи нима?
Жавоб: «Абобийл». Ўзбек тилида «Қалдирғоч» қушга тўғри келади.
- Савол: Қайси жонзот Намрудни ҳалокат этди?
Жавоб: Чивин.
- Савол: Қайси ҳайвонга [жонзотга] ваҳий нозил бўлган?
Жавоб: Асаларига. Наҳл сурасининг 68 оятида бу борада айтилган.
- Савол: Ким Пайғамбаримизнинг даврларида Қуръони Каримни жамлаган?
Жавоб: Амирал мўъминин Али (алайҳис салом), Маоз ибн Жабал, Зайд ибн Собит, Убай ибн Каъб ва Абу Зайд ибн Наъаамаҳ.
- Савол: Биринчи тафсир китобини ким таълиф этган?
Жавоб: Саид ибн Жубайр.
53. Савол: Биринчи бўлиб Қуръони Каримни ким тўплаган?
Жавоб: Мўминлар амири ҳазрат Али (алайҳис салом).
- Савол: Қуръони Каримда қайси яхна ичимлик мақталган?
Жавоб: Сут
- Савол: Қуръони Каримда энг кичкина ҳайвоннинг номи нима?
Жавоб: Чивин.
- Савол: Энг яхши ва бебаҳо кеча қайси ва унинг номи нима?
Жавоб: Қадр кечаси.
- Савол: Қироатнинг энг яхши усули нима?
Жавоб: Тартил ҳолда ўқиш.
- Савол: Рамазон ойида нозил бўлган Самовий Китобларнинг номи нима?
Жавоб: Қуръони Карим, Инжил, Таврот, Забур, Суҳуфи Иброҳим (алайҳис салом)
- Савол: Қайси китоб«Қуръоннинг синглиси» [أخت القرآن] номи билан машҳур бўлган?
Жавоб: Тўртинчи пешвоимиз Имом Зайнулобидин (алайҳис салом)дан содир бўлган дуолар тўплами бўлмиш «Саҳифатус Сажжодия» китоби [أخت القرآن] номи билан танилган.
- Савол: Бизнинг қайси маъсум имомимиз Қуръони Карим тиловатига хуш овоз бўлганлар?
Жавоб: Тўртинчи пешвоимиз Имом Зайнулобидин (алайҳис салом)
- Савол: Қайси сура Қуръоннинг қалби дейилган?
Жавоб: Ёсин сураси.
- Савол: Қайси суранинг ояти энг қисқа оятдир?
Жавоб: Ар-Роҳман сурасининг مُدْهَامَّتَانِ 64-ояти.
- Савол: Қуръони Карим нигоҳидан энг яхши ой қайси ой?
Жавоб: Рамазон ойи.
- Савол: Қуръони Каримдаги энг узун оят қайси сурада келган?
Жавоб: Бақара сурасининг 282-ояти.
- Савол: Қуръони Каримда келган энг катта сон қайсидир?
Жавоб: Юз минг сони, Соффот сурасининг 147-оятида келган.
- Савол: Қуръони Карим неча йил мобайнида Пайғамбаримизга нозил бўлган.
Жавоб: Йигирма уч йил давомида.
- Савол: Қайси китоб «Қуръоннинг биродари» деб танилган?
Жавоб: Мўъминлар амири ҳазрат Али (алайҳис салом)нинг хутбалари, мактублари ва ҳикматларини ўз ичига олган «Наҳжул Балоға» китобидир.
- Савол: Қуръони Каримда нечта китобнинг номи зикр қилинган?
Жавоб: Қуръони Каримда олтита китобнинг номи зикр этилган: ҚУРЪОН, ИНЖИЛ, ТАВРОТ, ЗАБУР, СУҲУФИ ИБРОҲИМ ва СУҲУФИ-МУСО.
- Савол: Қайси ҳарф Қуръони Каримда кўпроқ такрорланган?
Жавоб: АЛИФ {الف}
- Савол: Қайси ҳарф Қуръонда камроқ такрорланган?
Жавоб: ЗО {ظ} ҳарфи.
- Савол: Қайси сўз Қуръонда зикр қилинган энг катта сўздир ва қайси сурада келган?
Жавоб: Ҳижр сурасининг 22-оятида келган فَأَسْقَيْنَاكُمُوهُ [у ила сизларни сероб қилдик] сўзидир.
- Савол: Қуръони Каримнинг энг катта ва узун сураси нечта сўзга эга?
Жавоб: Бақара сураси 25,500 сўзга эга!