Қабр уни қабул қилмаган аёл ҳақида

Related Articles

Тавба қилиш Аллоҳнинг адолатига хилоф эмасми?

Yanvar 3, 2022

Неъматлар қаршисида инсонларнинг турлари

Dekabr 28, 2021

Шукр қилишнинг ҳақиқий маъносини билайлик

Dekabr 27, 2021

БИСМИЛЛАҲИР РОҲМАНИР РОҲИЙМ

 Олтинчи пешвоимиз Имом Жаъфари Содиқ ^{(алайҳис салом)} даврларида бир зинокор аёл бўлган. Қачонки у зино йўли билан бирор болани дунёга келтирса, уни тандирга ташлаб, ёқиб юборарди! Ўша аёлнинг вақти соати битиб оламдан ўтач, унинг қариндош-уруғлари аёлга ғусл бериб уни кафанладилар ва унга жаноза намозини ўқиб, қабристонга кўмдилар.

Аммо улар бу фоҳиша аёлнинг жасадини ер қабул қилмаганини ва уни кўмгандан кейин қабр ёрилганини пайқаб қолишди! Ушбу нопок аёлни дафн қилишда қатнашганлар ер ва тупроқда қандайдир камчилик бўлса керак деб ўйлашди ва шунинг учун улар аёлнинг жасадни олиб, бошқа жойга кўмдилар. Лекин яна аввалги ҳолат такрорланди, яъни ер жасадни қабул қилмади ва бу ҳолат уч мартагача такрорланди!

Ўша аёлнинг онаси ҳайратда қолиб, Имом Жаъфари Содиқ ^{(алайҳис салом)}нинг ҳузурларига келди ва ул ҳазратга: «Эй Расулуллоҳнинг ўғли, менинг фарёдимга етинг, менга ёрдам беринг!» деди у ва бўлган воқеани Имомга айтиб берди ва ул ҳазратдан йўл кўрсатишларини сўради.

 Имом Жаъфари Содиқ ^{(алайҳис салом)} онасидан бу гапни эшитгач, у аёлнинг иши зино қилиш ва ҳаромдан туғилган болаларни ёқиш бўлганини тушуниб етдилар. Шунда ул ҳазрат шундай марҳамат қилдилар:

«Ҳеч бир яралган жонзот бошқа жонзотни ёқиб юборишга ҳаққи йўқ! Оловда ёқиш ва куйдириш фақат Яратгувчи Аллоҳ таоло томонидан бўлур!»

Ўша фосиқа аёлнинг онаси Имом Жаъфари Содиқ ^{(алайҳис салом)}га: Энди нима қилай? деди. Ул ҳазрат унга: «Бобом Саййидуш-шуҳадо ҳазрати Абу Абдуллоҳ ал-Ҳусайн ^{(алайҳис салом)}нинг турбатларидан (қабрларининг тупроғидан) бир оз олиб, қабрида унинг жасади ёнида қўйинглар. Зероки, Бобом Имом Ҳусайн ^{(алайҳис салом)} турбатлари бу муаммонинг ечимидир», дедилар. Зинокор аёлнинг онаси бир оз турбат топиб, унинг жасади ёнида қўйди ва шундан сўнг ушбу воқеа такрорланмади!

 Манбалар:

1. Шайх Ҳур Омилий,«Васоилуш-шиъа», 2-жилд, 742-бет.

2. Аллома Мажлисий,«Биҳорул анвор», 82-жилд, 45-бет.

NAJOTKEMASI.NET – Халқаро Исломий Ахборот ва Тадқиқот Марказида тайёрланди.