Najot Kemasi sayti Ушбу сайт Аҳли-Байт ғояси асосидаги соф ва ҳаётбахш Ислом дини ҳақида ишончли манбаларга таяниб теран маълумотларни ҳақиқат изловчиларига тақдим этиб боради.
Related Articles
Бисмиллаҳир Роҳманир Роҳийм
Шубҳасиз, тўла-теран ва мукаммал ҳолда шаклланган, инсоннинг нафси ва бутун жонига сингган илм ва маърифатнинг натижа ва оқибатлари мавжуд бўлиб, улар ҳақиқий билим ва маърифатнинг табиий натижалари ҳисобланадилар. Шунга асосан, ҳар қаерда бундай маърифат шаклланса, табиий ҳолда бу натижалар ва оқибатлар унинг билан бирга юзага чиқади. Ушбу натижа ва оқибатларни Қуръон нигоҳидан кўриб чиқамиз:
1. Мустаҳкамлик ва Ҳаракатчанлик:
يَا أَيُّهَا النَّبِيُّ حَرِّضِ الْمُؤْمِنِينَ عَلَى الْقِتَالِ ۚ إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ ۚ وَإِن يَكُن مِّنكُم مِّائَةٌ يَغْلِبُوا أَلْفًا مِّنَ الَّذِينَ كَفَرُوا بِأَنَّهُمْ قَوْمٌ لَّا يَفْقَهُونَ ﴿٦٥
«Эй Пайғамбар, мўминларни жангга чорла! Агар сизлардан йигирмата сабрли киши бўлса, икки юзта [душманни] енгади. Агар сизлардан юз киши бўлса, кофир бўлганлардан мингтасини енгади. Бу улар [ҳақни] тушунмайдиган қавм бўлганлари сабаблидир» (Анфол сураси, 65-оят).
Мўминлар амири ҳазрати Али (алайҳис салом) бу борада айтадилар:
قال الإمام أمير المؤمنين عليٌّ عليه السلام: … اطرح عنك واردات الهموم، بعزائم الصّبر و حسن اليقين ..
«Мустаҳкам сабр ва яхши ишонч билан қалбингга кириб келган ғам-қайғуларни ўзингдан узоқлаштир».
Манба: Наҳжул Балоға, 27-мактуб.
2. Қийинчиликларни енгиш:
وَمَا لَنَا أَلَّا نَتَوَكَّلَ عَلَى اللَّـهِ وَقَدْ هَدَانَا سُبُلَنَا ۚ وَلَنَصْبِرَنَّ عَلَىٰ مَا آذَيْتُمُونَا ۚ وَعَلَى اللَّـهِ فَلْيَتَوَكَّلِ الْمُتَوَكِّلُونَ ﴿١٢
«Нима учун биз Аллоҳга таваккал қилмас эканмиз?! Ҳолбуки, У бизларни йўлимизга ҳидоят қилди. Бизга берган озорларингизга, албатта, сабр қилурмиз. Таваккал қилувчилар ёлғиз Аллоҳгагина таваккал қилсинлар» (Иброҳим сураси, 12-оят).
Мўминлар амири ҳазрати Али (алайҳис салом) бу борада айтадилар:
قال الإمام أمير المؤمنين عليٌّ عليه السلام: «العلم حِرزٌ»
«Илм мустаҳкам қалъадир».
Манба: Ғурарул ҳикам, 14-ҳадис.
3. Илм-Маърифатнинг амалга олиб келиши:
قال الإمام أمير المؤمنين عليٌّ عليه السلام: «كمال العلم العمل»
«Илмнинг камоли (мукаммаллиги) амалдир».
Манба: Ғурарул ҳикам, 249-ҳадис.
4. Ижтимоий уйғониш:
قال الامام الصَّادق عليه السلام: «العالم بزمانه لا تهجم عليه اللّوابس»
«Ўз замонасидан огоҳ бўлган киши шубҳалар ва адашишлар ҳужуми остида қолмайди».
Манба: Туҳафул-уқул, 261-бет.
5. Ўзини тузатиш (таҳзийбун-нафс) учун тайёргарлик:
Инсоннинг қўлга киритган билим ва маърифати ўзини тузатиш ва нафсини ислоҳ қилишга олиб келиши керак. Бу борада мўминлар амири ҳазрати Али (алайҳис салом) айтганларини кўздан кечирамиз:
قال الإمام أمير المؤمنين عليٌّ عليه السلام: «كلَّما زاد علم الرَّجل زادت عنايته بنفسه، و بذل في رياضتها و صلاحها جهده»
«Кишининг билими ҳар қанча ошса, унинг ўзига бўлган эътибори (ўз нафсини ислоҳ қилиши) ортади ҳамда нафсини тийиш ва тузатиш йўлида ўз саъй-ҳаракатини сарфлайди».
Манба: Ғурарул-ҳикам, 248-ҳадис.
